| Rosario Flores | |
|---|---|
 | |
| Nome completo | Rosario del Carmen González Flores |
| Data nacemento | 4 de novembro de 1963 (60 anos) |
| Nado en | Madrid, España  |
| Cónxuxe | Pedro Lazaga |
| Irmáns | Antonio Flores e Lolita Flores |
| Ocupación | Música |
| Xénero | Flamenco-Pop |
| Instrumento(s) | Voz |
| Na rede | |
| http://www.rosarioflores.info/ | |
             | |
| [ editar datos en Wikidata ] | |
Rosario del Carmen González Flores,[1] coñecida artisticamente como Rosario Flores, nada en Madrid o 4 de novembro de 1963, é unha cantante e actriz española de orixe xitana. Foi a gañadora, entre outros premios, do Grammy Latino ao mellor álbum vocal pop feminino, nas edicións de 2002 e 2004 polos seus traballos Muchas flores e De mil colores, respectivamente.
É a filla máis nova de Antonio González El Pescaílla e da mítica artista Lola Flores La Faraona, irmá da actriz-cantante Lolita Flores e o cantautor Antonio Flores, así como tía da actriz Elena Furiase. Ten unha filla, Lola, coa súa entón parella Carlos Orellana e o 21 de xaneiro de 2006 (aniversario do nacemento de Lola Flores) tivo un fillo, Pedro Antonio, con Pedro Lazaga que é o seu marido na actualidade, a quen coñeceu rodando Hablé con ella en 2001.
En 2012 Rosario forma parte do xurado do programa de Telecinco La Voz como coach, xunto con David Bisbal, Malú e Melendi.
