Xavier Queipo | |
---|---|
![]() | |
Alcume | Xavier Queipo |
Nacemento | 9 de decembro de 1957 |
Lugar de nacemento | Santiago de Compostela |
Nacionalidade | España |
Alma máter | Universidade de Santiago de Compostela |
Ocupación | biólogo e escritor |
Xéneros | Poesía, narrativa e ensaio |
Coñecido por | Malaria sentimental, Os kowa e Extramunde |
Estudos | Bioloxía, Medicina e Cirurxía |
Premios | Premio Xerais de Novela e Premio Blanco Amor |
Na rede | |
![]() ![]() ![]() | |
[ editar datos en Wikidata ] | |
Francisco Xavier Vázquez Álvarez, coñecido como Xavier Queipo, nado en Santiago de Compostela o 9 de decembro de 1957, é un biólogo e escritor galego.[1]
Licenciado en Bioloxía (1979) e Medicina e Cirurxía (1982) pola Universidade de Santiago de Compostela. Desde 1989 viviu e traballou en Bruxelas ata a súa xubilación.[2] Colaborou no portal web Vieiros, na Revista das Letras, no semanario A Nosa Terra, e na revista Grial. Mantivo unha columna de opinión semanal no programa da Radio Galega Diario Cultural. En 2011 gañou o Premio Xerais coa novela Extramunde e en 2015 o Premio Blanco Amor con Os kowa. Desde xaneiro de 2020 mantén unha colaboración semanal no único diario editado en papel na Galiza, Nós Diario.
É membro do Dichterscollectif van Brussel dende 2007.[3] Foi membro da Comisión de Exterior do Consello da Cultura galega até a súa disolución en 2019. Membro da Asociación de Escritor@s en Lingua galega e dos PEN Clubs de Galiza e Flandres. Membro do ‘Collectif des poètes de Bruxelles’ e do Brussels Writers Circle.[4]