Ti Baybay Mirtos (Griego: Mυρτώο Πέλαγος, Myrtöo Pelagos) ket ti subdibision ti Baybay Mediteraneo a mabirukan iti pagbaetan ti Cicladas ken ti Peloponeso. Naipalawag daytoy a kas parte ti Baybay Egeo iti abagatan ti Euboea, Attica, ken Argolis. [1] Adda met dagiti masa ti danum iti Baybay Nangisit ket maabotna ti Baybay Mirtos, babaen ti panaglasat ti Baybay Egeo (Saundry, Hogan & Baum. 2011)
Ti Golpo Saroniko, ti golpo ti Atenas, ket mabirukan iti pagbaetan ti Kanal Korinto ken ti Baybay Mirtos.
Daytoy ket naibagbaga a nanaganan iti mitiko a bannuar a ni Mirtilo, nga isu ket naipuruak iti baybay babaen ti nakaunget a ni Pelops. Ti nagan ket naisilpo pay iti balasang a Mirto. Daytoy ket naibagbaga pay a naalana ti naganna manipud iti bassit nga isla nga agnagan iti Mirtos.