Ti Baybay Ross ket ti adalem a luek iti Akin-abagatan a Taaw idiay Antartika iti pagbaetan ti Daga Victoria ken Daga Marie Byrd.
Naduktalan ti Baybay Ross babaen ni James Ross idi 1841. Iti laud ti Baybay Ross ket ti Isla Ross nga agraman ti bulkan Erebus, iti daya ti Isla Roosevelt. Ti akin-abagatan a parte ket naabbongan babaen ti Samang ti Yelo ti Ross.[1] Inrugi ni Roald Amundsen ti ekspedisionna iti Abagatan nga Ungto idi 1911 manipud iti Luek dagiti Balyena, a mabirukan idi iti samang. Iti laud ti Baybay Ros, ti McMurdo Sound ket puerto a kadawyan nga awanan iti yelo iti las-ud ti kalgaw. Ti akin-abagatan unay a parte ti Baybay Ross ket ti Aplaya Gould nga agarup a dua gasut a milia manipud iti Heograpiko nga Abagatan nga Ungto.
Amin dagiti masa ti daga idiay Baybay Ross ket tinunton babaen ti Baro a Selanda a mapan iti turay ti Dependensia Ross, ngem bassit laeng kadagiti Mankomunidad a pagilian ti mangbigbig daytoy a tunton.
Ti 10-metro (32.8 kadapan) ti kaatiddog a higante a pusit nga agdagsen iti 495 kilogramo (1,091 lb) ket natiliw idi idiay Baybay idi Pebrero 22, 2007.[2][3][4][5][6]
((cite web))
: Panagtaripato ti CS1: bot: di ammo ti kasasaad ti kasisigud nga URL (silpo)