Ti Oceania ket maysa a rehion a naipatengnga kadagiti isla ti tropikal a Taaw Pasipiko.[1] Dagiti pamanunotan no ania ti pakabuklan ti sakup ti Oceania manipud kadagiti korales nga atol ken dagiti bulkaniko nga isla ti Abagatan a Pasipiko (etnolohiko a nabingbingay kadagiti subrehion ti Melanesia, Mikronesia, ken Polinesia)[2] aginggana ti intero nga insular a rehion a nagbaetan ti Asia ken ti Kaamerikaan, a mairaman ti Australasia ken ti Malay a Purpuro. Ti termino ket sagpaminsan a naisangsangayan a naus-usar a mangibaga ti kontinente a mangbukel ti Australia ken dagiti asideg nga is-isla,[3][4][5][6] wenno bioheograpiko a kas maysa a kapadpada a nagan para iti Australasiano nga ekosona (Wallacea ken Australasia) wenno ti Pasipiko nga ekosona (Melanesia, Polinesia, ken Mikronesia a naisinsina wenno manipud iti Baro a Selanda[7] wenno manipud idiay nangruna adaga ti Baro a Guinea).[8]
Nakakaskasdaaw a, ti sungbat [manipud iti maysa nga eskolar a nagsuksukimat ti pannakarkulo ti bilang dagiti kontinente] ket husto a maipada ti naitaripnong a listaan: Amianan nga Amerika, Abagatan nga Amerika, Europa, Asia, Oceania (Australia ken ti Baro a Selanda), Aprika, ken Antartika.
Dagiti midia a mainaig iti Oceania iti Wikimedia Commons