Ti pagsasao a Sasak ket insasao babaen dagiti grupo ti etniko ti Sasak, a mangbukel iti kaaduan ti populasion ti Lombok, Indonesia. Daytoy ket asideg a kabagian dagiti pagsasao a kadenna iti Bali ken ti akinlaud a gudua ti Sumbawa.
Ti pagsasao ket nabingbingay kadagiti lima a dialekto, a saan a kankanayon nga agsinnaranay a maawatan:
- Kuto-Kute (Amianan a Sasak)
- Nggeto-Nggete (Amianan a daya a Sasak)
- Meno-Mene (Tengnga a Sasak)
- Ngeno-Ngene (Tengnga-Daya a Sasak, Tengnga-Laud a Sasak)
- Meriaq-Meriku (Tengnga-Abagatan a Sasak)
