Mokleniko
Moken–Moklen
EtnisidadTattao a Moken, tattao a Moklen
Heograpiko a
pannakaiwarwaras		Purpuro Mergui; Myanmar; Peninsular a Tailandia
Lingguistika a pannakaidasigAustronesio
Proto-pagsasaoProto-Mokleniko (Proto-Moken-Moklen)
Pannakabingbingay
Glottologmoke1241

Ti sasao a Mokleniko wenno Moken–Moklen ket buklen dagiti paris ti dua nga asideg nga agkabagian ngem naisangayan a pagsasao, iti Moken ken Moklen. Intakder ni Larish (1999) dagiti dua a pagsasao a mangbukel kadagiti dua a naisangayan a subgrupo iti maysa a dakdakkel a sanga a Moken–Moklen. Isingasing ni Larish (2005)[1] tiMokleniko a kas maysa nga alternatibo a nagan para iti Moken–Moklen, ti naud-udi a naibaga a termino ket kasisigud idi nga inusar babaen ni Larish (1999).

Dagiti pagsasao

Adda dagiti dua a sasao a Mokleniko.[1]

Ti Moken ken Moklen ket lingnguistiko ken kulturalda nga agkabagin ngem aggidiat iti tungngal maysa kaniada, a dagiti agsasao iti Moken ket kangrunaanda nga agtataeng iti baybay nga agan-anup agburburas, bayat a dagiti agsasao iti Moklen ket agtataeng iti daga a tattao nga agtataeng kadagiti purok ken dagiti ili iti akin-abagatan a Taiandia (Larish 2005). Dagiti komparatibo apanagadal iti Moken ken Moklen ket mangiraman kadagiti Leerabhandh (1984),[2] Makboon (1981),[3] ken Larish (1999).

Ti sasao a Mokleniko ket naisasao iti igid ti maysa a 650-kilometro a sakup ti laud nga aplaya ti akin-abagatan a Myanmar ken akin-abagatan a Tailadia, manipudiid Isla Tavoy, Myanmar aginggana iti Isla Phi Phi, Tailandia(Larish 2005). Adu ti naikawarwarasan ti Moken, bayat a ti Moklen ket eksklusibo a naisasao iti akinlaud nga aplaya ti akin-abagatan a Tailandia. Mangipakita ti Moklen ti nakaro nga impluensia ti Akin-abagatan a Tailandes ken nakarkaro a naisagmak ngem ti Moken.[1]

Ti Urak Lawoi’ ket insasao babaen ti sabali a grupo ti Hitano ti Baybay iti akin-abagatan a Tailandia. Daytoy ke maysa kadagiti sasao a Malayiko, ken saan a maysa a pagsasao a Moklenikoe. Iti Isla Phuket, Maiyasideg ti Urak Lawoi’ iti Moken.

Dagiti akinruar a pannakikabagian

Larish (1999, 2005)

Inkeddeng ni Larish (1999, 2005) ti Mokleniko a maysa a kabsat ti Chamiko ken sasao a Malayiko imbes a kas parteda. Ti sasao a Mokleniko ket nakaron a naimpluensiaan babaen ti sasao nga Austroasiatiko, ken adu kadagita a binulod nga Austroasiatiko a balikas, a kas ti 'billit', ket mabirukan pay iti Chamiko.[4]

Indasig ni Larish (1999)[4] dagiti dua apagsasao ti Moken ken Moklen a kas parte ti dakdakkel a subgrupo ti Mokleniko–Acehnes-Chamiko-Malayiko ("MACM").

Mokleniko–Acehnes-Chamiko-Malayiko

Byat a sti sasao nga Acehnes-Chamiko-Malayiko ket mangipakita ti maysa a Proto-Malayo-Polinesio a panagbaliw ti uni ti *q > *h, ti sasao a Mokleniko ket imbes ket a mangipakita ti Proto-Malayo-Polinesio a panagbaliw ti uni ti *q > *k.

Nangipagpagarup pay ni Larish (1999) a ti di ammo a naungaw a pagsasao (wenno sasao) ti Imperio ti Funan iti akin-abagatan a Bietnam ket mabalin a maysa a nasapa a panagsina manipud iti Proto-Mokleniko–Acehnes-Chamiko-Malayiko.

Smith (2017)

Iti maysa akaudian a pannakaidasig iti akinlaud a sasao a Malayo-Polinesio, insuppiat ni Smith (2017: 459)[5] a naibatay iti ponolohiko nga ebidensia a ti Mokleniko ket maysa a nangruna a sanga manipud iti Proto-Malayo-Polinesio.

Rekonstruksion

Nakonstrukto manen ti Proto-Moken-Moklen babaen ni Larish (1999).[4]

Dagiti nagibasaran

  1. ^ a b c Larish, Michael. 2005. "Moken and Moklen." in Alexander Adelaar and Nikolaus P. Himmelmann (eds.), The Austronesian languages of Asia and Madagascar, 513-533. London: Routledge. ISBN 0-7007-1286-0.
  2. ^ Leerabhandh, S. (1984) Phonological reconstruction of Proto Orang-Laut, MA Thesis at Mahidol University, Nakhon Pathom: Institute of Language and Culture for Rural Development, Salaya Campus.
  3. ^ Makboon, S. (1981) Survey of Sea People’s dialects along the West Coast of Thailand, MA Thesis at Mahidol University, Nakhon Pathom: Institute of Language and Culture for Rural Development.
  4. ^ a b c Larish, Michael David. 1999. The Position of Moken and Moklen Within the Austronesian Language Family. Doctoral dissertation, University of Hawai'i at Mānoa.
  5. ^ Smith, Alexander D. (2017). "The Western Malayo-Polynesian Problem". Oceanic Linguistics. 56 (2): 435–490. doi:10.1353/ol.2017.0021.

Adu pay a mabasbasa

Katkategoria