Persatuan Sepak Bola Seluruh Indonésia, kang disingkat PSSI, yaiku punjere organisasi kang ngurusi babagan olah raga bal-balan ing Indonésia.[1] PSSI diresmikake nalika tanggal 19 April 1930 kangthi jeneng Persatuan Sepak Raga Seluruh Indonésia. Ketuwa umum kang pisannan ya iku Ir. Soeratin Sosrosoegondo.[1] PSSI melu dadi kanggotan karo FIFA nalika taun 1952, banjur lumebu ing AFC nalika taun 1954.[1] PSSI miwiti kompetisi Liga Indonésia wiwit taun 2005, PSSI uga nganakake Piala Indonésia. Ketuwa Umum PSSI wiwit tanggal 9 Juli 2011 ya iku Djohar Arifin Husin.[1], 2016 Jendral Purnawirawan Edy Rahmayadi.
Ana ing pungkasan taun 1920, tetandhingan voetbal utawa bal-balan sok kali dianakake kanggo ngramekake pasar malem.[2] Tetandhingan dilakokake nalika dina wis lumebu wayah sore.[2] Sebenare saliyané bal-balan, bangsa eropah uga kalebu bangsa Walanda uga manuhaké ulah raga liya kaya kasti, bal tangan, langi, tenis, lan hoki.[2] Nanging, kabèh jinis ulah raga mau dibatesi kanggo kalangan Éropah, Walanda, lan Indo.[2] Alhasil bal-balan kang paling disenengi amarga ora mbutuhake panggon kang mirunggan lan wong-wong pribumi uga olèh main bal-balan.[2] Lapangan Singa (Lapangan Banteng) dadi seksi nalika wong Walanda nganakake tetandhingan panca lomba (vijfkam) lan tienkam (dasa lomba).[2] Khusus kanggo bal-balan, saradhadhu ana ing tangsi-tangsi militèr kang asring tanding.[2]