Soeratin Sosrosoegondo | |
---|---|
![]() Soeratin Sosrosoegondo | |
Ketua Umum PSSI ka-1 | |
Rerincèn dhiri | |
Lair | ![]() | 17 Dhésèmber 1898
Pati | Dhésèmber 1, 1959![]() | (umur 60)
Ir. Soeratin Sosrosoegondo (lair ing Yogyakarta nalika 17 Dhésèmber 1898 - séda 1 Dhésèmber 1959) ya iku siji insinyur saka Indonésia.[1] Dhèwèké uga dadi ketua umum PSSI periode 1930-1940.[1] Soeratin dadi salah siji kang ngadegaké lan uga dadi ketua umum PSSI kang pisanan.[1]
Soeratin lair saka kalangan terpelajar. Bapake, R. Soesrosoegondo, guru ana ing Kweekschool, lan uga kang nulis buku Bausastra Basa Jawi.[1] Sisihane ya iku, R.A. Srie Woelan, lan adhine kandung Dr Soetomo,kang kalebu salah siji pendiri Budi Utomo.[1]
Tamat saka Koningen Wilhelmina School ing Jakarta, Soeratin banjur nerusaké sekolahé ana ing Sekolah Teknik Tinggi ing Hecklenburg, sakcedhake Hamburg, Jerman, nalika taun 1920 lan lulus dadi insinyur sipil taun 1927.[1]
Sakbaline Soeratin saka Éropah taun 1928, dhèwèké banjur ngabung ana ing siji perusahaan konstruksi kang kondhang ana duwéke Walanda kang gaweane kaya yasa kreteg lan uga gedhong ing Tegal lan Bandung.[2]
Ana ing wektu kang padha Soeratin miwiti kanggo ngrintis pendirian siji organisasi bal-balan, kang bisa diwujudake nalika taun 1930.[2] Organisasi bisa dianggep realisasi konkret saka Sumpah Pemuda 1928.[2] Nasionalisme iku dicoba dikembangake nganggo sarana ulah raga, khususé ulah raga bal-balan.[2] Kaya déné ipar saka Soeratin, Dr Soetomo, kang ngubengi Pulo Jawa kanggo nemoni tokoh-tokoh kanggo tujuan nemu pentinge pendidikan lan banjur disusul kanthi ngwdegake Budi Utomo, Soeratin nglakokaké pertemuan karo tokoh-tokoh bal-balan pribumi ana ing Sala, Yogyakarta, Magelang, Jakarta, lan Bandung.[2]