Carolus Gulielmus vulgo Karl Wilhelm Lauterbach (natus die 21 Februarii 1963 Marcoduri) medicus et politicus Germanicus est democratiam socialem confitens. Mense Decembri 2021 minister foederalis in rebus sanitatem spectantibus creatus est.[1]
Postquam epidemiologiae et oeconomicae sanitariae studuit in Universitate Harvardiana doctor creatus est. Annis inter 1998 et 2005 Coloniae Agrippinae Instituto oeconomiae sanitariae et epidemiologiae clinicae (IGKE) praefuit; ex anno 1996 docens Bostoniae erat a Schola Havardiana de salute publica invitatus. Ibidem inde ab anno 2008 professoris adiuncti muneris functus est. Annis inter 1999 et 2005 in praesidio peritorum sedebat qui emolumenta systematis sanitarii in Germania inspicerent promoverentque. Anno 2003 laborem frugiferum in sic dicta Commissione Rürup incohatus est ut pecuniarum usu quam optimo securitas sanitaria omnium efficax mansura esset. Factio socialis democratica Germaniae Agrippinenis eum statutis elaborandis arcessiverat. Lauterbach ex anno 2004 in praesidio factionis citatae de assecuratione civium generali cogitat meditatur ponderat.
In Dieta foederali Germaniae ex anno 2005 senator est. Saepissime in Coronaviro superando consilium dat et rectioni Germanicae et spectatoribus televisificis sive auscultatoribus radiophonicis. Praeter multas tractationes scientificas libros populares de sanitate publica servanda pepigit.
Vicimedia Communia plura habent quae ad Carolum Lauterbach spectant. |
Olaus Scholz (SPD) • Robertus Habeck (Virides) • Christianus Lindner (FDP) • Nancy Faeser (SPD) • Annalena Baerbock (Virides) • Marcus Buschmann (FDP) • Hubertus Heil (SPD) • Christina Lambrecht (SPD – ad mensem Ianuarium 2023) • Boris Pistorius (SPD – a mense Ianuario 2023) • Zizimus Özdemir (Virides) • Anna Spiegel (Virides – ad mensem Aprilem 2022) • Lisa Paus (Virides – a mense Aprili 2022) • Carolus Lauterbach (SPD) • Volcherus Wissing (SPD) • Stephania Lemke (Virides) • Bettina Stark-Watzinger (FDP) • Svenja Schulze (SPD) • Clara Geywitz (SPD) • Volfgangus Schmidt (SPD) Opus geopoliticum • Porta Unionis Europaeae • Consilia ministrorum civitatum Europaearum hodiernarum Capsae cognatae: Formulae consilia ministrorum Germaniae spectantes | |