Hortus (-i, m.) vel, ex multis consistentes, horti (-orum, m.),[1] est locus, plerumque foris semperque saepto circumdatus, ad plantas excolendas, ostendendas, observandas reservatus, et alias formas naturae, aliquando etiam animalia. Hortus non solum ad metendas fruges instrui solet, sed etiam artificiosis, religiosis, salubribus rebus, et otio recreationique corporis animique inserviat. Multi hortos domesticos valde amant multumque temporis ibi degunt.
Notissimi mundi horti, secundum Antipatrem Sidonium, sunt Pensiles Semiramidis in antiquo regno Babylonico, inter Septem Mundi Miraculis numerati. Omnium autem notissimus hortus Eden putatur, paradisus, quem, secundum Librum Genesin, deus Iudaeorum hominibus primis creavit.
Qui hortum curat, hortulanus dicitur; olitor est, qui olera colit, topiarius autem, qui topiariam facit.
Hortorum silvaticorum cultus, systema productionis cibi in silva conditum, est veterrimum hortorum cultus genus.[2] Horti silvatici temporibus praehistoricis iuxta ripas silvosas et in umidis regionum tempestatum tropicarum pedemontiis orti sunt.
Inter familiaria hortorum genera sunt horti aromatici, horti aquatici, horti botanici, horti Iaponici, horti lapidei, horti verticales, horti Zen, paradisi.
In opere suo De agri cultura Cato officia patris familias descripsit, quae ad mores, necessitates, munera, ministeria et cetera spectant. Cura non solum ad plantas et sola valet, sed horto topiariae artes quoque et attentio et tempestas requiruntur, necnon instrumenta.
Terra, in horto solum, est locus principalis, quo horti plantae crescunt. Cum necessitates plantarum sunt diversa, ita in topiaria respectum haberi oporteat. Praeterea plerisque solis diversa strata sunt, quae nominantur horizonta - hodie conservatio eorum momentum crescens habet. Pedogenesis ad soli generationem, typos solorum, spectat, at textura soli ad eius aspectum et structuram cum diametro granorum.
Utiles topiarii instrumenta possunt esse: pabo, rutrum, rastrum, trulla, nasiterna, herbiseca.
Vicimedia Communia plura habent quae ad hortum spectant (Garden, Gardens). |