Ioannes Petrus Vernant (Francogallice Jean-Pierre Vernant; natus 1914; mortuus 2007) fuit anthropologus et rerum gestarum scriptor Francicus qui praesertim de mythologia Graeca scripsit. Fuit professor honoris causa apud Collegium Franciae et repugnator pro patria sua tempore obsidionis Germanorum.
Natus die 4 Ianuarii 1914 Pruvini, orbus et patre et ab anno aetatis octavo matre etiam, philosophiae studens, in annis 1930 ad factionem Communistae adhaerit et sub obsidione Germanica ad gregem repugnatorum "Liberatio Meridiani" dictum; ibi pseudonymum habuit Colonel Berthier.
Ut discipulus Ludovici Gernet, ab anno 1968 ut professor Schola Studiorum Superiorum Scientiis Socialibus, ut collaborator Marcelli Detienne et Petri Vidal-Naquet, multa scripsit de anthropologia mythologiaque Graeca. Mortuus est die 9 Ianuarii 2007 Separae.