Vide etiam paginam discretivam: Canis lupus (discretiva).

Lupus in herbis cubans

Animalia — Chordata

Classis : Mammalia
Ordo : Carnivora
Familia : Canidae
Genus : Canis
Species : C. lupus

Canis lupus
Linnaeus, 1758

Conservationis status

LC

Territorium

Habitatio luporum

Lupus (binomen Canis lupus a Linnaeo anno 1758 statutum) est carnivorum familiae Canidarum, generis Canis et progenitor canum domesticorum.

Lupi sunt ab 100 ad 150 centimetra longi, quorum triens cauda est. Pondus ab 25 usque ad 60 chiliogrammata est; mares feminis maiores sunt. Corpus cursibus longis aptum est, thorace stricto et musculis fortibus dorsi et cruris.

Dicta et sententiae

Romani antiqui multis dictis lupos nominabant, exempli gratia:

"Lupum videre" est tacere, nam visus luporum vocem humanam perdere habebatur: "sed in italia quoque creditur luporum visus esse noxius vocemque homini, quem priores contemplentur, adimere ad praesens." (NH 8.37), "vox quoque Moerim Jam fugit ipsa; lupi Moerim videre priores Vergilii Eclogum 9, 53
"Lupus in fabula!" dicitur si quis de quo loqueris ex inopinato apparet.
"Lupum auribus tenere", hoc est esse in loco ancipite, scilicet quod siquis lupum auribus teneat, neque pertinere neque discedere sine periculo possit.
"Lupos apud oves custodes relinquere" sive "ovem lupo committere"
"Lupo agnum eripere", id est aliquid difficile facere.
"Homo homini lupus", id est homines ipsos esse hominum praedatores.
"Tantum curare quantum lupus numerum ovium" est omnino non curare.
"Lupa" saepissime indicat scortum, qua re animalia ipsa nonnumquam potius "lupi feminae" dicuntur ne sit confusio.
Lupulus est nomen cuiusdam plantae, qua concoquitur cervisia.
Una cum lupis ululare.
multi credunt neminem callidiorem esse quam lupum.

Bibliographia

Categoriae