Quadrigae (-arum, postea etiam quadriga, -ae)[1] in antiquitate erat currus raedae quattuor equis iunctus. Hoc verbum ex quadriiugae contractum est. Cursus quadrigarum ludis circensibus fiebant[2]. Et magni dei quadrigis vehebantur in primis Iuppiter et Sol/Apollo vel etiam Neptunus. Itaque saepe quadrigae sculptae in fastigio templorum vel arcuum triumphalium ponebantur. Imperatores Romani quoque triumphantes in quadrigis saepe sculpebantur[3].
In fabulis mythologicis quadrigae ab Atheniensi rege Erechteo inventae dicuntur[4].
Nummus Romanus argenteus Iove quadrigis vecto signatus quadrigatus appellatus est.
![]() |