Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'n Biografie of laevesbesjrieving (Aadgrieks: βίος (bios) "leven" en γράφειν (graphein) "sjrieve") 'n sjriftelike, en meis ouch oetgebrachte, besjrieving van waat emes in zie laeven haet mitgemaak of gedaon en waat zien werke zeen gewaes.

Meis wuuert d'n term gebroek veur non-fictie, mit anger wäörd werke worin emes 't wirkelik laeve van 'ne wirkelik bestäöndje, döks hieël bekandje, persoean verzeuk te besjrieve. 'n Biografie is verhaolendj en verzeuk op daen waeg e baeter inzich te gaeven inne persuuenlikheid en 't karakter vanne besjreve persoean en is dus mieër es 'n sumpel opsomming van feite.

Dao bestaon versjillendje óngerverdeilinge veur biografieje:

• 'n Hagiografie is 'n biografie specefiek euver 'nen hèlge, meh dit waord wuuert ouch euverdrechtelik gebroek veur 'ne sjriever dae zien óngerwerp ónkritisch behanjeltj;
• 'n geautoriseerde biografie is ein die gesjreven is mitte toestumming vanne miens dae 't óngerwerp daovan is;
• en 'n autobiografie is 'n laevesbesjrieving waat 'ne persoean euver zichzelf sjrief, of door 'ne sjeemsjriever ("ghostwriter") op aanwiezing van dem.

Zuuch ouch

Zeuk de definitie, vertalinge, oetsjpraok en dialekvariante van laevesbesjrieving op in de Wiktionair.

• Biografielies op alfabet