Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Lava is 'n gleujendje massa, in 'n vleujbaar vorm, die bie 'n oetbersting van 'n vólkaan vriekump. Veurdet lava de aerdoppervlakdje of zieëbaom bereik, hètj 't magma.

Naogelang de sjemische samestèlling deiltj me lava in twieë tupe in:

• Zoer lava is riek aan SiO₂ en vlöchtige bestandjsdeiler. Dees lava haet 'n hoeag smultjpuntj en stoltj dus snel. De struim zeen dus ieëre kort.
• Basische lava is daotaengen erm aan SiO₂, meh riek aan iezer en magnesium. Hievan is 't smultjpuntj lieëger en daodoor is basische lava hieël vleujbaar en kan zich euver groeate aafstenj verspreie.

Lava kan hieël väöl sjaaj es gevolg höbbe, meh juus ouch väöl goods bringe, wie de vörming van lenj (wie Hawaï). Wiejer is aafgekeuldje lava hieël erg vröchbaar, wie 't gebied róndje Etna op Sicilië.

Wen de lava gestoldj is, wuuertj 't ouch "puim" geneump. De puimstein waere döks gebroek veur vijvere. Dees zeen dus lichte stein.