Boys and Girls Studioalbum av Bryan Ferry | ||
Språk | engelsk | |
Utgjeve | 3. juni 1985 | |
Innspelt | 1983–1985 | |
Studio | AIR Studios i Hampstead i London; Compass Point Studios i New Providence i Bahamas; Effanel Mobile; RPM Studios i New York; Sarm West Studios i London; The White House i New South Wales i Australia; The Power Station i New York[1] | |
Sjanger | Sophisti-pop | |
Lengd | 38:24 | |
Selskap | E.G. | |
Produsent | ||
Bryan Ferry-kronologi | ||
---|---|---|
The Bride Stripped Bare (1978) |
Boys and Girls | Bête Noire (1987)
|
Singlar frå Boys and Girls | ||
|
Boys and Girls er det sjette studioalbumet til Bryan Ferry, utgjeve i juni 1985 på E.G. Records. Det var det første soloalbumet til Ferry på sju år og det første etter han oppløyste gruppa si Roxy Music i 1983. Det er det einaste soloalbumet til Ferry som har nådd toppen av albumlista i Storbritannia.[2] Det selde til platinaplate i Storbritannia og inneheld to singlar som nådde topp 40 der. Det var òg det mest suksessrike soloalbumet til Ferry i USA og i Noreg. I Noreg nådde det tredjeplassen på VG-lista. I USA selde albumet til gullplate for over ein halv million selde eksemplar.
Albumet inneheld songen «Slave to Love», som vart ein av dei største hittane til Ferry som soloartist. Singelen kom ut 29. april 1985 og låg ni veker inne på den britiske singellista i 1985, med ein tiandeplass som høgaste plassering. Dei to andre singlane frå albumet selde mindre og var «Don't Stop the Dance» og «Windswept».
Gitarsoloen på slutten av «Slave to Love» vart spelt av Neil Hubbard[3] og andre kjende gitaristar på albumet var Mark Knopfler frå Dire Straits, David Gilmour frå Pink Floyd, Nile Rodgers frå Chic og Keith Scott frå bandet til Bryan Adams.
Albumet vart ommastra og gjeve ut på ny i 2000. I 2005 kom det ut på SACD.
Meldingar | |
---|---|
Karakter | |
Kjelde | Karakter |
AllMusic | [4] |
Robert Christgau | B−[5] |
Rolling Stone | (tvetydig)[6] |
Smash Hits | 6/10[7] |
AllMusic-skribenten Ned Raggett likte «Slave to Love» og skreiv «Totalt sett etablerte Boys and Girls fullstendig den reine, kule visjonen ålmenta hadde av Ferry. I staden for rufsete rocke-eksplosjonar, kjenslemessige ekstremar og alt som gjorde 70-talsmusikken hans så overtydande både i og utafor Roxy, er Ferry her den sjarmerande og elegante, om enn løynd humørsjuke og melankolske kjærasten, med musikk som matchar.»[8]
Robert Christgau skreiv: «Røysta hans er tjukkare og meir slimete, tempoet hans sakkar av trass i alle dei fancy rytmane han har kjøpt, og han risikerer å bli den romantisk besette mannen han alltid har spelt på så nidkjær måte.»[5]
Rolling Stone Album Guide frå 1992 gav albumet tre og ei halv stjerne av fem: «Med den same rikt syntetiserte stemninga til Avalon, innhyllar det sjette albumet til Ferry lyttaren i emosjonelle finessar og lydfargar. Så er det over som ein behageleg draum. Boys and Girls kunne ha hatt eit par melodiar til med minneverdige melodilinjer som i 'Slave to Love' eller 'Don't Stop the Dance'.[9] New Rolling Stone Album Guide frå 2004 gav òg 3,5 stjerner: «Boys and Girls, det første soloalbumet hans etter Roxy Music vart oppløyst, var det discovennlege forsøket hans på å bli ei solostjerne, og sjølv om det er for luftig, har det ein av dei beste kjærleikssongane som nokon gong er laga, den hypnotiske klinesongen 'Slave to Love'.»[10]
I kritikarundersøkingar Pazz and Jop i Village Voice i 1985, vart albumet stemt fram til det 31. beste albumet det året.[11]
Alle songar skrivne av Bryan Ferry, utanom der andre er nemnde.
Nr. | Tittel | Låtskrivar(ar) | Lengd |
---|---|---|---|
1. | «Sensation» | 5:07 | |
2. | «Slave to Love» | 4:26 | |
3. | «Don't Stop the Dance» | Bryan Ferry, Rhett Davies | 4:19 |
4. | «A Waste Land» | 1:02 | |
5. | «Windswept» | 4:31 | |
6. | «The Chosen One» | 4:51 | |
7. | «Valentine» | 3:47 | |
8. | «Stone Woman» | 4:56 | |
9. | «Boys and Girls» | 5:25 | |
Total lengd: | 38:24 |
Teknisk
Vekeslister[endre | endre wikiteksten]
|
Årslister[endre | endre wikiteksten]
|
År | Singel | Liste | Plassering |
---|---|---|---|
1985 | «Slave to Love» | UK Singles Chart[2] | 10 |
1985 | «Slave to Love» | US Billboard Mainstream Rock Tracks[24] | 19 |
1985 | «Don't Stop the Dance» | UK Singles Chart[2] | 21 |
1985 | «Don't Stop the Dance» | US Billboard Adult Contemporary[24] | 26 |
1985 | «Don't Stop the Dance» | Billboard Hot Dance Music/Maxi-Singles Sales[24] | 30 |
1985 | «Windswept» | UK Singles Chart[25] | 46 |
Region | Salstrofé | Salstal |
---|---|---|
New Zealand (RMNZ)[26] | Gull | 7 500^ |
Storbritannia (BPI)[27] | Platina | 300 000^ |
USA (RIAA)[28] | Gull | 500 000^ |
^salstala er basert på sertifiseringa aleine |
The Bryan Ferry Orchestra | |
Soloalbum |
|
Samlealbum |
|
Singlar |
|
Tilknytte artiklar |
|