Falco er ei biologisk slekt av rovfuglar som er utbreidd på alle kontinenta i verda med i alt ca. 38 artar. Falco femnar om fleirtalet av falkeartane i verda[1] og samtlege falkar utbreidd i Europa.[2]
Vandrefalkar har vorte registrert i 320 km/t under stup, noko som gjer dei til dei snøggaste skapningar ein kjenner.[3] Andre kjente falkar i denne slekta er jaktfalk, slagfalk og dvergfalk. Somme Falco-artar har fellesnamet 'hobby' på engelsk. Hobby er typisk mørke, små falkar med lange smale venger, i Europa representert med arten lerkefalk, Falco subbuteo, engelsk 'Eurasian Hobby'. Ei anna gruppe svevar mykje under jakt og kallast 'kestrel' på engelsk, der tårnfalk og raudfalk er ein typiske artar i Europa, medan sporvefalk, 'American Kestrel' er vidt utbreidd i Amerika. Falco-slekta er ein del av falkefamilien, Falconidae, som òg inkluderer karakaraer, latterfalk, parakittfalk, pygmefalkar, skogfalkar og falkonettar.[1]
Vaksne falkar i denne slekta har tynne koniske venger, som gjer dei i stand til å flyge i høg fart og for å gjere kjappe retningsendringar. Unge falkar i første leveåret har lengre vengefjør, noko som gjer det enklere å flyge medan dei lærer eksepsjonelle dugleikar som blir kravd for å vere effektive jegerar som vaksne. Som for mange andre rovfuglar, har falkar eksepsjonell synsevne. Dugleiken i syn for ein falkeart blei ein gong målt til 2,6 gonger betre enn normalt hos menneske.[4]
↑Schulenberg T.S.; M.J. Iliff; B.L. Sullivan; C.L. Wood; T. A. Fredericks; D. Roberson (august 2018), eBird/Clements Checklist v2018(CSV), Cornell Lab of Ornithology, henta 24. februar 2019
↑Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. med oppdateringar i 2017. Norsk Ornitologisk Forening sin nettstad (publisert 21.12.2017)
Wikimedia Commons har multimedia som gjeld: Falco