Tunisisk kjøtragu garnert med urter.Blanc-manger garnet med kakaopulver og mandlar.
Garnityr er ei matvare eller ein gjenstand som blir brukt som dekorasjon eller presentasjon til ein tilreidd matrett eller drikke.[1] I mange tilfelle kan det også gje tilleggs- eller kontrastsmak. Nokre typar garnityr blir valde for å auka den visuelle effekten til retten, medan andre er valde ut spesielt for smaken dei kan gje.[2] Dette er i motsetnad til eit krydder, ein saus som blir tilsett ei annan matvare hovudsakleg for å gje smak. Ei matvare som blir servert med garnityr kan skildrast som garni, det franske ordet for ‘garnert’.
Mange garnityrtypar er ikkje meint å etast, men for andre kan det vera greitt å gjera det. Persille er eit døme på eit tradisjonelt garnityr som også har ein god smal. Denne grøne urten har små, kjennbare blad, sterke stenglar og er lett å trimma til passande garnityr.
Oversikt
Garnityr kan gje mat eller drikkevarer ein meir tiltrekkjande utsjånad.[3] Dei kan til dømes tilføra farge, slik som når paprika blir strødd på ein laksesalat. Dei kan gje ein fargekontrast, til dømes når graslauk blir strødd på potetar. Dei kan gjera cocktailar meir attraktive, som når ein set ein paraply i ein eksotisk drink, eller når ein mai tai blir toppa med stykke av tropisk frukt. Sushi kan garnerast med baran, ein type plastgras eller blad. Nokre gonger blir garnityr og ein saus eller liknande nytta saman for å fullføra presentasjonen av ein rett; til dømes kan ein rett vera toppa med saus og så ein kvast persille til slutt.
Nokre rettar er særleg knytte til ein viss type garnityr, slik at dei kan sjå ufullstendige ut utan denne. Nokre døme er banansplitt-sundae med kirsebær på toppen eller buffalo wings serverte med ein kvast selleri og dressing av blåmuggost.
Ulike typar garnityr
Mat
Garnityr for matrettar inkluderer:
Tomat skoren som rose til garnityr.Garnering av ein matrett.
Amandine - ein kulinarisk term som tyder garnityr av mandlar
Bawang goreng - sprøsteikt sjalottlauk, eit vanleg garnityr i indonesisk mat
Japansk miso ramen garnert med spiseleg sjøalger, sesam og skalljon
Beni shōga - julienneskoren sylta ingefær, vanlegvis brukt som garnityr for gyudon og okonomiyaki
Gari - marinert tynt skoren ingefær, vanlegvis brukt som garnityr til sushi og sashimi
Katsuobushi - tørka bonitoflak som vanlegvis blir nytta som garnityr til takoyaki, som til tider blir kalla okaka
Vårlauk eller trelauk (wakegi) - mest brukt som topping av tofu og miso-suppe
Anna etande tang - inkludert tynskorne kizami nori-blad, aonori, tororo kombu som blir brukt oppå ramen, udon, yakiudon, takoyaki, soba, okonomiyaki, yakisoba eller til og med pizza og pølse i brød
Sesamfrø, strødd over dampa ris eller nudlar
Shisoblad
Fukujinzuke, krydder og garnityr til karrirettar
Kinshi tamago, eggestrimlar som er populære på risgraut og hiyashi chuka, ein kald ramensalat.
Fiskekjøt som tobiko, masago, mentaiko og ikura er populære på risrettar som chirashi og sushi
Strimla daikon og malen daikon kalla daikon oroshi, ein vinterreddik, er populær i bento- og sushi-rettar, den siste er populær på oljehaldige matvarer som fisk og tempura
Sakurablom, stjerne, hjarte og ulike utskorne former av gulrøter er populære i bento
.jpg)
.jpg)
.jpg)
