Helga er eit kvinnenamn med same opphav som mannsnamnet Helge. Dette er avleidd av det norrøne namnet Helgi, som har samanheng med ordet heilagr, 'heilag', som i før-kristen tid hadde tydinga 'heldig' eller 'sunn'. Namnet kan også vera knytt til det gammalhøgtyske ordet heil. Namnet Hege har same opphav.
Helga har namnedag 30. september i Noreg.
Helga er eit svært vanleg namn i Tyskland, der det er det 3. mest utbreidde kvinnenamnet (2007), og på Island, der det er det 6. mest utbreidde (2004).
I Noreg var namnet mykje brukt ved slutten av 1800-talet, men mista utbreiing utover 1900-talet. I 2008 var det 4717 kvinner i Noreg som heitte Helga (SSB).