Mr. Sandman Singel av The Chordettes | ||
B-side |
I Don't Wanna See You Cryin' | |
---|---|---|
Utgjeve | 1954 | |
Innspelt | 1954 | |
Sjanger |
| |
Lengd | 2:22 | |
Selskap | Cadence | |
Låtskrivar(ar) | Pat Ballard | |
Produsent | Archie Bleyer | |
The Chordettes-kronologi | ||
«Moonlight on the Ganges» (1951) |
Mr. Sandman | «Lonely Lips» (1955)
|
«Mr. Sandman» (eller «Mister Sandman») er ein popsong skriven av Pat Ballard og publisert i 1954. Han vart først spelt inn i mai same året av Vaughn Monroe & His Orchestra og seinare same året av The Chordettes og The Four Aces. Emmylou Harris si innspeling av songen vart ein hit i fleire land i 1981.
Vaughn Monroe og orkesteret hans var den første til å spele inn songen i 1954.[1] Han vart gjeven ut med B-sida «They Were Doin' the Mambo»,[1][2] på RCA Victor.[3]
I desember 1954 gjekk songen til topps på Cash Box Top 50 i USA, i ei felles rangering av versjonar av The Chordettes, The Four Aces, Buddy Morrow, Vaughn Monroe, Les Elgart, The Lancers og The Song Singers, med The Chordettes og The Four Aces sine versjonar markerte som bestseljarar.[3] Han nådde òg toppen av Cash Box-lista «The Nation's Top Ten Juke Box Tunes» i ei liknande felles rangering,[4] og toppen av Cash Box-lista «The Ten Records Disk Jockeys Played Most This Week», først med berre The Chordettes-utgåva,[5] og seinare i ei felles rangering med The Chordettes og The Four Aces.[6]
Songen gjekk òg til topps på Billboard «Honor Roll of Hits», med The Chordettes og The Four Aces sine versjonar oppførte som bestseljarar,[7] og vart rangert på 12. plassen på Billboard si rangering for 1955.[8]
The Chordettes si innspeling av songen vart gjeven ut på Cadence Records. Cadence-grunnleggjaren Archie Bleyer var dirigent for orkesteret på innspelinga og gav rytmen på innspelinga ved å klase seg sjølv på knea.[1][9] Ein kan høyre røysta til Bleyer på tredjeverset når han seier «Yes?» Pianoet vert spelt av Moe Wechsler.
I USA nådde The Chordettes-singelen toppen av alle dei tre listene til Billboard,[10] og vart rangert på niandeplassen på lista til Cash Box for heile 1955.[11]
Liste (1954-1955) | Plassering |
---|---|
UK New Musical Express[12] | 11 |
US Billboard Best Sellers in Stores[10] | 1 |
US Billboard Most Played by Jockeys[10] | 1 |
US Billboard Most Played in Juke Boxes[10] | 1 |
Mister Sandman Singel av The Four Aces med Al Alberts | ||
B-side |
(I'll Be with You) In Apple Blossom Time | |
---|---|---|
Utgjeve | 1954 | |
Sjanger | Tradisjonell pop | |
Lengd | 2:35 | |
Selskap | Decca | |
Låtskrivar(ar) | Pat Ballard |
I 1954 gav The Four Aces ut ein versjon av songen, akkompagnert av Jack Pleis Orchestra.[13] The Four Aces-utgåva vart ein topp 10-hit i USA, Storbritannia og Flandern. The Four Aces-versjonen vart nytta i filmen Tilbake til fremtiden, når Marty først forstår han er i 1955.[14]
Liste (1954-1955) | Plassering |
---|---|
Flandern[15] | 2 |
UK New Musical Express[16] | 9 |
US Billboard Best Sellers in Stores[10] | 9 |
US Billboard Most Played by Jockeys[17] | 5 |
US Billboard Most Played in Juke Boxes[18] | 6 |
17. november 1954 spelte Chet Atkins inn ein instrumental versjon av songen under ei innspeling av fire songar i RCA Victor-studioet i Nashville.[19] Atkins brukte ein Ray Butts EchoSonic-gitarforsterkar og vart akkompagnert av celeste, piano, bass og trommer.[19] Atkins-versjonen kom ut på singel i januar 1955.[19] Det var den første singelen til Atkins som gjekk inn på Billboard si countryliste,[20] og nådde 15. plassen på Billboard si Country & Western Records-liste over «Best Sellers in Stores» og 13. plassen på lista over «Most Played by Jockeys».[21]
Atkins spelte inn att «Mister Sandman» på ny i 1990 på albumet The Magic of Chet Atkins.[19]
I 1968 gav Bert Kaempfert and His Orchestra ut ein instrumental versjon av songen som ein singel og på albumet My Way of Life.[22] Versjonen nådde 12. plassen på Billboard Easy Listening-lista,[23][24] 14. plassen på Record World si «Top Non-Rock»-liste,[25] tredjeplassen på Record World-lista «Singles Coming Up»,[26] og toppen av Cash Box-lista «Looking Ahead» for singlar som potensielt kunne nå Cash Box Top 100.[27]
Mister Sandman Singel av Emmylou Harris | ||
B-side | ||
---|---|---|
Utgjeve | 1981 | |
Innspelt | 1980 | |
Sjanger | Countrypop | |
Lengd | 2:20 | |
Selskap | Warner Bros. Nashville | |
Låtskrivar(ar) | Pat Ballard | |
Produsent | Brian Ahern | |
Emmylou Harris-kronologi | ||
«The Boxer» (1980) |
Mister Sandman | «I Don't Have to Crawl» (1981)
|
I januar 1978[28] spelte Emmylou Harris, Dolly Parton og Linda Ronstadt inn ein versjon av songen for eit planlagt av album av trioen, som det ikkje vart noko av før i 1987. Harris tok med innspelinga die hadde gjort av «Mr. Sandman» i 1981 på albumet hennar Evangeline.[28] Sidan Parton og Ronstadt var bunden til andre plateselskap kunne ikkje denne versjonen kome ut på singel, så Harris spelte inn vokalen på ny og song alle dei tre vokalpartane sjølv for singelen. Singelen åndde topp 10 på Billboard Hot Country Singles-lista og 37. plassen på Billboard Hot 100. Det vart slik den einaste singelen til Harris som nådde topp 40 på denne lista.
Liste (1981) | Plassering |
---|---|
Austerrike (Ö3 Hit wähl mit)[29] | 15 |
Canada RPM 50 Singles[30] | 42 |
Canada RPM Country 50 Singles[31] | 1 |
Flandern[32] | 8 |
Nederland (Nederlandsk Topp 40)[33] | 8 |
Nederland (Nationale Hitparade)[34] | 9 |
New Zealand Singles Chart[35] | 16 |
Swiss Hitparade[36] | 5 |
US Billboard Hot 100[37] | 37 |
US Billboard Adult Contemporary[38] | 8 |
US Billboard Hot Country Singles[39][40] | 10 |
US Cash Box Top 100 Singles[41] | 37 |
US Cash Box Top 100 Country[42] | 9 |
US Record World Singles[43] | 40 |
US Record World A/C Chart[44] | 12 |
US Record World Country Singles[45] | 9 |
Vest-Tyskland (Media Control)[29] | 14 |
Buddy Morrow and His Orchestra gav ut ein versjon i 1954 som nådde tjuandeplassen på Billboard-lista «Most Played by Jockeys».[46]
I januar 1955 nådde ein versjon av Max Bygraves 16. plassen på den britiske New Musical Express-lista.[47]
Den mest suksessrike innspelinga av songen i Storbritannia var av Dickie Valentine, som nådde femteplassen på New Musical Express-lista i februar 1955.[48]
The Fleetwoods gav ut ein versjon i 1964 som singel og på albumet Before and After.[49] Versjonen deira nådde 113. plassen på Billboard-lista Bubbling Under the Hot 100[50] og 19. plassen på Cash Box-lista «Looking Ahead».[51]
Tommy O'Day gav ut ein versjon i 1978, som nådde 96. plassen på Billboard Hot Country Singles-lista.[52][53]
I 1996 gav det tyske powermetal-bandet Blind Guardian ut ein maxi-singel med ein coverversjon av «Mr. Sandman.»[54]
Bette Midler spelte inn songen i 2014 til albumet It's the Girls!.[55]