Solenglar (Heliangelus) er ei biologisk slekt i underfamilien Lesbiinae av kolibriar. Desse ni kolibriartane lever samla sett i relativt høgtliggande område frå omtrent Cochabamba i Bolivia nordover i eit smalt belte langs Andes til delstaten Lara i Venezuela. Flest artar finst innanfor grensene til Ecuador.
Det norske fellesnamnet for artane, 'solengel' svarar til det vitskaplege namnet Heliangelus som kjem frå gresk,
helios «sol» og angelos «engel», «bodbringar».[1]
Dette er mellomstore kolibriar, nesten alle 10-11 centimeter i kroppslengd, med skinnande grøn eller bronsjegrøn overside, meir uklår grøn underside, flekka hos nokre artar. Vengene er mørk bronsefarga. Alle har iriserande strupeområde hos hannfuglar, dei fleste i purpurlilla fargetoner. Fem av artane med kvitt brystband under den glitrande strupen. Moderat kløfta mellomlang hale, relativt kort, rett svart nebb. Hofuglar er mindre iaugefallande med mindre markert strupeflekk, nokre med kortare, mindre kløfta hale.
Solenglar lever i typisk fuktige til våte habitat i lågvekst skog, grasland, men somme òg i tørrare habitat av kratt. Typisk høgdnivå er rundt 2000 til 3600 moh., ofte rundt 2500 m, kongesolengel og blåhalesolengel 1000 m lågare. Dei supplerer føda med små insekt i tillegg til nektar frå plantar dei er spesialiserte på.
9-10 cm, rosenraud iriserande strupe ovafor kvitt band, austre Andes i Colombia litt inn i Venezuela, ein annan bestand i Serranía del Perijá, begge land, fuktig tåkeskog og småvekst skog, 1800–3600 moh.[6]
Purpurraud glitrande strupe, klårt, kvitt brystband, endemisk for område ved Mérida i Venezuela, habitat i opningar i skog og ved beitemarker, 2000–3600 moh.[7]
Purpur iriserande strupe, klårt kvitt brystband, mørk grøn overside, grøn underside, Ecuador litt inn i sørlegaste Colombia, fuktige habitat, lever lågt frå 1200 m til 2800 moh.[8]
Mørk fjørdrakt, iriserande purpurfarga strupe, manglar brystband, austre Andes i Ecuador og Colombia, våte habitat, 1500 moh. til 3400 m, mest over 2300 m[9]
11-12 cm, fiolett iriserande strupe med glitrande blågrønt nedfor, manglar kvitt brystband, lang kløfta hale, tåkeskog i austre Andes i Colombia over til nordvestre Venezuela, 2150–3000 m[11]
Hannar er svarte med mørk blå skin, lang sterkt kløfta hale, hoer lyase grøn og med kvitt brystband, oppstykka utbreiing i Cajamarca-regionen og San Martín i nordlegaste Peru, mot nord litt inn i Ecuador, 1250 m til 2200 moh.[12]
↑Gill F, D Donsker & P Rasmussen (Eds). 2023. IOC World Bird List (v13.1). doi : 10.14344/IOC.ML.13.1 Henta 7. mars 2023
↑Syvertsen, P. O., Bergan, M., Hansen, O. B., Kvam, H., Ree, V. & Syvertsen, Ø. 2020. Norske navn på verdens fugler. Norsk Ornitologisk Forening https://www.birdlife.no/fuglekunnskap/navn/