Tazzjana Khaladovitsj | |
Verkeleg namn | Таццяна Уладзіміраўна Халадовіч |
Statsborgarskap | Belarus |
Fødd | 21. juni 1991 (33 år) Pinsk |
Idrett | friidrett |
Tok del i |
Friidrett under Sommar-OL 2016 – Spydkast kvinner |
Tazzjana Vladsimiravna Khaladovitsj (fødd 21. juni 1991) er ein kviterussisk spjutkastar frå Brest som i 2016 vart europameister i øvinga.
Khaladovitsj utmerkte seg i 2014-sesongen med personbeste på 63,61 meter i Grodno, og deretter med 61,66 m og femteplass i i europameisterskapen i Zürich. Året etter sigra ho i spjut-tevlinga ved universiaden i Gwangju med eit kast på 60,45 m.
Under EM 2016 i Amsterdam overraska Khaladovitsj stort og vann gullmedaljen med ny landsrekord på 66,34 meter. Sidan i sesongen vart ho nummer fem i sommarleikane i Rio de Janeiro. Med eit kast på 64,05 m enda ho på sjetteplass då VM 2017 fann stad i London. Den 7. juni 2018 forbetra Khaladovitsj den kviterussiske rekorden til 67,47 meter då ho vann spjutøvinga under Bislett Games i Oslo.