Toots Thielemans | |||
![]() Dutch Big Band Contest, 2006 | |||
Fødd | 29. april 1922 | ||
---|---|---|---|
Fødestad | Brussel i Belgia | ||
Død | 22. august 2016 | ||
Dødsstad | Braine-l'Alleud | ||
Fødenamn | Jean-Baptiste Frédéric Isidor, Baron Thielemans | ||
Alias | Toots Thielemanns | ||
Opphav | Belgia | ||
Aktiv | 1949–2014 | ||
Sjanger | jazz | ||
Instrument | kromatisk munnspel, munnspel, gitar, fiolin | ||
Plateselskap | Riverside, Columbia Records, Polydor Records, Philips Records, ABC Records | ||
Verka som | komponist, jazzgitarist, munnspelar, filmmusikkomponist, plytrar, musikar, stemmeskodespelar | ||
Prisar | Paul Acket Award, octave d'honneur, NEA Jazz Masters, In Honorem - interprète, ridder av Ordre des Arts et des Lettres, æresdoktor ved Vrije Universiteit Brussel, Bronze Zinneke, kommandør av Leopoldsordenen, ridder av Leopold IIs orden, Commander of the Order of Rio Branco |
Toots Thielemans (fødd 29. april 1922 som Jean-Baptiste Frédéric Isidor, daud 22. august 2016) var ein belgisk jazzmusikar kjend for å spele gitar og munnspel i tillegg til plystring. Thielemans er rekna som ein av dei beste munnspelspelarane på 1900-talet.[1][2]
Han arbeidd som bandleiar og som sidemann, mellom anna mange prosjekt med Quincy Jones, og har skrive mykje filmmusikk. I 2009 vart han NEA Jazz Master, den høgaste æresprisen ein jazzmusikar kan få i USA.[3]
Han er kanskje mest kjend for å plystre melodien i reklamane for etterbarberingsvatnet Old Spice.
Han annonserte at han trekte seg tilbake frå musikkverda den 12. mars 2014, 91 år gammal. Han spelte likevel på scenen den 17. august 2014 på Jazz Middelheim-festivalen i Antwerpen, der han spelte Louis Armstrong sin «What a Wonderful World».
Thielemans starta karrieren sin som gitarist. I 1949 spelte han med Sidney Bechet, Charlie Parker, Miles Davis, Max Roach og andre i Paris.[4] I 1949 og 1950 spelte han med Benny Goodman på turné i Europa og var med på den første innspelinga si i Paris med tenorsaksofonisten Zoot Sims.[5] I 1951 hadde han blitt bandmedlem for Bobbejaan Schoepen (framleis som gitarist).[6][7]
Han flytta til USA i 1952 der han var medlem i Charlie Parker's All-Stars og arbeidde med Miles Davis og Dinah Washington.[treng kjelde] Frå 1952 til 1959 var han medlem av George Shearing Quintet, hovudsakleg på gitar, men òg på munnspel. Han spelte òg med Ella Fitzgerald, Jaco Pastorius, Stephane Grappelli, Édith Piaf, J.J. Johnson, Michael Franks, Peggy Lee, John Williams, Quincy Jones, Oscar Peterson, Bill Evans, Paul Simon, Billy Joel, The Happenings, Astrud Gilberto, Shirley Horn, Elis Regina, Joe Pass og andre.[2]
Ein jazzstandard av Toots Thielemans er «Bluesette», der han nyttar plystring og gitar i lag. Den første innspelinga med han er frå 1962, med tekst lagt til av Norman Gimbel. Songen vart ein stor hitt.
Han spelar munnspel i musikken til filmar som Midnight Cowboy, Cinderella Liberty, Jean de Florette, Sugarland Express, The Yakuza, Turkish Delight, The Getaway, French Kiss, Dunderklumpen i forskjellige fjernsynsprogram.
Store arbeid er:
Lite utval.
Med Bill Evans
Med Dizzy Gillespie:
Med Urbie Green:
Med Oscar Peterson:
Med Billy Joel: