Calcutta Agglomerate Urbane (Urban Agglomeration) | |
---|---|
Kolkata (কলকাতা) | |
Localizzazione | |
State | Indie |
Divisione 1 | Bengala Occidendale |
Divisione 2 | Calcutta |
Amministrazione | |
Amministratore locale | Sovan Chatterjee (TMC) |
Territorie | |
Coordinate | 22°34′21.62″N 88°21′49.98″E |
Altitudine | 9 m s.l.m. |
Superficie | 185 km² |
Crestiàne | 4 486 679 (2011) |
Denzetà | 24 252,32 ab./km² |
Otre 'mbormaziune | |
Lènghe | bengalese, 'nglese |
Cod. postale | 700001[1] |
Prefisse | +91-33[2] |
Fuse orarie | UTC+5:30 |
Targhe | WB 01-79 |
Cartografije | |
Mappe none disponibbele (IND)
| |
Site istituzionale | |
Calcutta, ufficialmènde Kolkata (da 'u bengalese কলকাতা Kolkata) jè 'na cetata de ll'Indie de 4.580.544 crestiáne, capeluèche d'u destritte de Calcutta, jndr'ô state federate d'u Bengala Occidendale de cui jè 'a capitale. 'Mbase a 'u numere de crestiáne 'a cetata pòte trasè jndr'â classe I (cchiù de 100.000 crestiáne)[3].
'A cetata jè acchijate a 22° 34' 22 N e 88° 21' 50 E e tène 'n'altitudene de 12 m s.l.m.[4]. Calcutta jè acchijate sus a 'u jume Hughli ('nu rame d'u Gange) a cchiù o mène 60 km da 'u confine c'u Bangladesh.
Fù capitale de ll'Indie Bretànneche fine ad 'u 1912. 'U nome d'a cetata jè state ufficialmènde cangiate jndre Kolkata (jndr'ô bengalese: কলকাতা) jndr'ô scennàre 2001. Pure ce 'u nuève nome sije foneticamente cchiù 'nzeccate ad 'a pronunge bengalese, assaje crestiáne e organizzazione chiamane angore 'a cetata c'u nome de Calcutta. Jndr'ô Hindi 'a cetata jè chiamate Kalkatta.
Ad 'u cenzimènde d'u 2001 'a popolazzione de Calcutta cundave 'ndotale 4.580.544 crestiáne, de le quale 2.506.029 maschèle e 2.074.515 femmène. Le crijature de etate cchiù vasce o auguale a le sèje anne arrevavane a 'nu totale de 364.355, de le quale 189.486 maschèle e 174.869 femmène. Pe' spiccià, quidde ca èrene capace de sape' almene leggere e scrivere èrene 3.428.309, de le quale 1.947.621 maschèle e 1.480.688 femmène.[5]
Seconne 'u cenzimènde d'u 2001 l'agglomerate urbane de Calcutta cundave 'nu totale de 13.216.545 crestiáne e combrenne 'nu munne de municepaletate, villagge, vanne urbane e jè 'u terze 'n'Indie nnande Bombay e Delhi. Se spànne sus a lle destritte de Calcutta, 24 Pargana Nord, 24 Pargana Sud, Howrah, Hooghly e Nadia. 'A crescita demografeche d'a cetata jè state, jndr'â lle urteme anne, 'nu picche vasce.
Pe approfondimende, 'ndruche 'a vôsce Victoria Memorial (Calcutta). |
'U Victoria Memorial, ufficialmènde Victoria Memorial Hall, jè 'nu edifice quagghiate 'nmemorie de Vittorie, Regine d'u Regne Aunìte e 'Mberatrice de ll'Indie, quagghiate proprije a Calcutta, ca a 'u timbe ère 'a capitale de ll'Indie bretànneche.
A Calcutta jè state funnate jndr'ô 1889 'a prime squadre de ballone de totte l'Asie, 'u Mohun Bagan, angore ôsce 'mbrà lle cchiù granne club d'u paìse. L'otra squadre d'a cetata jè l'East Bengal Football Club, vingetore de assaje cambionate, de propietate d'u migliardarije Vijay Mallya.
A picche chilometre da 'u cendre se iacchije l'Aeropuèrte 'Ndernazionale de Calcutta Netaji Subhash Chandra Bose.
Calcutta jè gemellate cu lle seguende cetate: