Gnazziu Buttitta (Bagaria, 19 di sittèmmiru di 1899 - 5 di aprili 1997) fu unu di li pueti siciliani cchiù mpurtanti dû Sèculu XX. Autudidatta, li so' òpiri, tutti 'n sicilianu, foru traduciuti 'n talianu di pueti comu Sarvaturi Quasimodu e Eliu Vittorini. Pi littirati comu Cesare Zavattini, Liunardu Sciascia, Pier Paolo Pasolini fu na figura assai rapprisintativa dâ puisìa cuntimpurània.

Asempi dâ sò puisìa

di La Peddi Nova

(~1963)
La Morti

Nun è la morti chi scanta,

è lu pinzàrisi mortu,

cunzatu mmenzu la casa,

tisu, cu l'occhi chiusi,

cu li parenti chi chiàncinu,

cu li stranî ca giùdicanu

e cunnànnanu senz'èssiri visti.

Nun è la morti,

è l'impussibbilità

(si murissi ora)

di gràpiri la finestra,

di taliari ccà sutta

li picciriddi chi ghiocanu;

di taliari lu mari,

li muntagni, lu celu;

di nun putiri mannari lu cori

a cantari

supra na cima d'alivi

comu n'aceddu.

Nun è la morti chi scanta,

è chiddu chi si lassa,

lu pinzari

ca l'occhi di chiùdinu pi sempri

e chi si parti pi nun turnari;

cumminti ca la morti lu sapi

e nun lu dici: pirchì poi?

Nun lu dici;

ma quannu veni a pigghiàrini

(stàticci attenti!)

la viditi chiànciri cu vuatri.

Lu Pisu di lu Duluri

Vaiu unn'è ca chiàncinu

e mi nni tornu

cu li quartari chini;

nun m'affliggi lu pisu,

ma nun sapiri comu sdivacàlli.

di Io faccio il poeta

(~1982)

Lingua e dialettu (1970)

Un populu

mittitilu 'a catina

spugghiatilu

attuppatici a vucca:

è ancora libbiru.

Livatici u travagghiu,

u passaportu,

a tavula unnu mancia,

u lettu unnu dormi:

è ancora riccu.

Un populu

diventa poviru e servu

quannu ci arrubbanu a lingua

addutata di patri:

è persu pi sempri.

Diventa poviru e servu

quannu i paroli non figghianu paroli

e si mancianu tra d’iddi.

Mi nn’addugnu ora,

mentri accordu la chitarra du dialettu

ca perdi na corda lu jornu.

[.....]

E sugnu poviru:

haiu i dinari

e non li pozzu spènniri;

i giuelli

e non li pozzu rigalari;

u cantu

nta gaggia

cu l’ali tagghiati.

[.....]

Nni ristò a vuci d’idda,

a cadenza,

a nota vascia

du sonu e du lamentu:

chissi non nni ponnu rubari.

Non nni ponnu rubari,

ma ristamu poviri

e orfani u stissu.

Bibbliografìa

Sintimintali, Sabio, Palermo 1923;
Marabedda, La Terrazza, Palermo 1928;
Lu pani si chiama pani, Cultura Sociale, Roma 1954;
Lamentu pi la morti di Turiddu Carnivali, Arti Grafiche Palermo 1956;
La peddi nova, Feltrinelli, Milano 1963;
Lu trenu di lu suli, Avanti!, Milano 1963;
La paglia bruciata, Feltrinelli, Milano 1968;
Io faccio il poeta, Feltrinelli, Milano 1972 (Premiu Viareggio);
Il cortile degli Aragonesi Giannotta, Catania 1974;
Il poeta in piazza,Feltrinelli, Milano 1974;
Prime e nuovissime, Forma, Torino 1983;
Le pietre nere, Feltrinelli, Milano 1983.

Vuci Currilati

Lina La Mattina

Pi sapìrinni cchiossai

Biografìa e puisìi di Gnazziu Buttitta
Asempi di puisìi e àutra nfurmazzioni (pi sicilianu e ngrisi)

Lijami di fora

"Un seculu di storia" cuntata di Ninu Buttitta

Littiratura Siciliana

Scola Siciliana

Tutti l'artìculi scrivuti 'n sicilianu anticu

Tàvula crunulòggica di scritti antichi 'n sicilianu ·

Vinni in la Marina · Eu Leon Visianos · Eu Petro di Marchisi · Pir meu cori alligrari · Littra dû Re Petru III d'Aragona ô Re Carlu I d'Angiò · Littra dî baruna siciliani ô Re Petru III d'Araguna · Di la vinuta di lu re Japicu in Catania (rumanzu) · Lu Rebellamentu di Sichilia · Fòrmula di giuramentu dî giudei · Urdinanza di tassa di Missina · Statuti dâ citati di Missina · Libru di Valeriu Maximu · Libru de lu dialagu de Sanctu Gregoriu · Statuti dâ citati di Girgenti · Statuti dâ citati di Catania · Libru di li Vitii et di li Virtuti · Libru di lu transitu et vita di misser sanctu Iheronimu · Lu beatu Corradu · Statuti dâ citati di Palermu · Quaedam Prophetia ·Spusizzioni di lu Vangelu di la Passioni