't Joar 1983 is 't 83e joar in de 20e eeuwe volgenst de christelikke joartellienge.
Gebeurtenissn
18 april: Bomanslag ip d' Amerikoansche ambassade in Beiroet
januoari
2 januoari - D' Iengelsche poliesje makt bekend dat den 3dn december 1982 de grotste bankroof gebeurd is uut de geschiedenisse. De buut bedroagt 10 miljoen Britsche poend.
9 januoari - Amerikoansche weetnschappers constateern vo den êeste kè e 'zwart gat' etwoarstn in 't hêelal, ip 150.000 lichtjoar van d' eirde.
februoari
14 februoari - Den Israëlitische minister van defensje Ariel Sharon moet oftreedn achter dat 'n vuuf moandn achtervolgd is deur protestn teegn de slachtienge in de Palestynsche vluchteliengekampn Sabra en Chatilla.
18 april - D' Amerikoansche ambassade in Beiroet (Libanon) wordt ipgebloazn, woarby dan der 63 menschn an under ende kommn. De zelfmôordanslag wordt êest ipg'eist deur Islamitische Jihad, moa loater wordt Hezbollah verantwoordelyk g'houdn.
23 april - Euroviezjesongfestival in München. Luxemburg wint mè 't liedje "Si la vie est cadeau" van Corinne Hermès.
juni
23 juni - Geboorte van d' êeste Belgische reageerbuusbaby (In-vitrofertilisoasje) in Leuvn.
juli
23 juli - Ip 't eiland Sri Lanka breekn bloedige relln uut tusschn de mêerderheid van Singaleezn en de minderheid van Tamils.
8 ogustus - In België wordt Eugène Michiels, ambtenoar ip 't ministerie van Buutnlãndsche Zoakn oentmaskerd ols spiong vo de KGB en de Roemeensche Securitate.
21 ogustus - De Filipynschn opposiesjeleider Benigno Aquino jr. wordt dôodgeschootn ip 't vliegpleing van Manilla, achter dat 'n werekêert uut balliengschap.
september
1 september - E Zuud-Koreoansche vlieger wordt neregeschootn boovn 't Russisch groendgebied. Al de 269 passagiers en bemanniengsleedn kommn an under ende.
17 september - De Bende van Neyvel overvalt de Colruyt in Neyvel. Der valln 3 dôoie.
oktober
5 oktober - De Poolsche vakboendsleider Lech Wałęsa krygt de Nobelprys vo de Vrede.
23 oktober - In Brussel goat er e styf grôte vredesbetogienge deure teegn d' installoasje van kruusrakettn van de NAVO ip Belgisch groendgebied.
9 november - Den Hollander Freddy Heineken, directeur van bierbrouwerie Heineken, wordt oentvoerd tegoare mè zyn chauffeur Ab Doderer.
30 november - Achter drie weekn komt de poliesje ip 't spoor woar dan Freddy Heineken en zyn chauffeur zittn. Ze wordn bevryd.
december
8 - De vroegere Britsche minister van buutnlãndsche zoakn Lord Carrington wordt zoender teegnstemmers verkoozn toet nieuwe Secretoaris-generoal van de NAVO en ipvolger van den Hollander Joseph Luns die in 1984 goat oftreedn.
17 december - IRA-bomanslag (Iers Republikeins Leger) ip 't Londns woarnhuus Harrods, woarby dan der zes menschnn an under ende kommn.