't Joar 1985 is 't 85e joar in de 20e eeuwe volgenst de christelikke joartellienge.
Gebeurtenissn
Eirdbevienge in Mexico
Topoverleg tusschn Ronald Reagan en Michail Gorbatsjov in Genève (20 november 1985)
meie
29 - In 't Heizelstadion in Brussel gebeurt 't Heizeldrama, êen van de grotste rampn in de voetbolgeschiedenisse. By de finalle van den Europacup 1 tusschn 't Iengelsche Liverpool en 't Italioansche Juventus bestormn Liverpoolsupporters 't neutroal vak mè supporters van Juventus. Doarby stervn der 39 menschn woaroender 32 Italioanen. Uutendelik wordt beslist van de match toch te loatn deuregoan. Juventus wint achter da Michel Platini e penalty binnenschipt.
juni
14 - Frankryk, Duutsland en de Beneluxlandn sluutn 't Verdrag van Schengen. Ze regeln vry grensverkeêr vor under inweuners deur 't ofschaffn van de grenscontroles.
september
19 - Mexico-Stad wordt ipgeschrikt deur e zwoare eirdbevienge. 9.000 menschn kommn an under ende, 30.000 menschn geroakn gekwetst en 95.000 menschn zyn under huus kwyt.
oktober
15 - De Rus Michail Gorbatsjov introduceert zyn polletiek van perestrojka, herstructurerienge.
november
9 - By een overval van de Bende van Nijvel ip een Delhaize in Aalst wordn acht menschn doôdgeschootn en valln der zeevn gekwetste.