Gebeurtenissn
- januoari
- 27 - De Russische partyleider Michail Gorbatsjov gêeft kritiek ip de foutn van 't verleedn. Je roept ip toet democratiserienge van de partie en de Russische soamnlevienge. De 2e februoari wordt een êeste groep dissidentn vrygeloatn.
- februoari
- 1 - Filmstad Hollywood viert heur 100-joarig bestoan.
- moarte
- 6 - De Britsche ferrybôot Herald of Free Enterprise kantelt vo de kust van Zêebrugge. 193 menschn, surtout Brittn, verdrienkn.
- 25 - Deur prins Filip van België wordt den êestn Europeeschn ECU gesleegn. Den ECU goat de vôorloper wordn van den Euro.
- 30 - De Londnsche veilienge Christie's verkopt 't werk de Zunneblommn van Vincent van Gogh vo 22,5 miljoen Britsche pound.
- april
- 13 - Turkeye is kandidoat vo toetredienge toet den EEG (Europeesche Economische Gemêenschap).
- meie
- 8 - By e viergevecht mè veiligheidstroepn in Loughgalln, Nôord-Ierland, wordn acht IRA-leedn dôodgeschootn.
- 9 - In Brussel wordt 't 32e Euroviezjesongfestival g'houdn. De winnoare is Johnny Logan vor Ierland mè 't liedje "Hold me now".
- 28 - De 19-joarige West-Duutscher Mathias Rust landt met e sportvliegertje ip 't Rôod Pleing in Moskou. E dêel hooggeplatste Russische militairn krygn under oentslag. Rust wordt toet vier joar werkkamp verôordêeld.
- juni
- 11 - De Conservatievn winn de parlementsverkieziengn in 't Verênigd Keunienkryk. Margaret Thatcher wordt vor e derde termyn êeste minister.
- juli
- 19 - Êeste minister Margaret Thatcher van Grôot-Brittannië en president François Mitterrand van Frankryk oendertêeknn 't verdrag woaby dat den bouw van de Kanoaltunnel tusschnn de twêe landn wordt geregeld.
- 23 - In Moskou demonstreern Krim-Tartoarn vo 't recht te meugn werekêern noar under geboorteland de Krim. Achter de Twêede Weireldoorloge woarn ze deur Jozef Stalin noa Centraal-Azië gedeporteerd, omdat under nationalistisch streevn in verband gebrocht wierd mè collaboroasje met de Duutschers.
- 26 - Den Iersche coureur Stephen Roche wint vo den êeste kè den Tour de France.
- 31 - In Mekka stervn hoenderde surtout Iroansche pelgrims binst de pelgrimstocht de Haj.
- ogustus
- 13 - In Heverlee wordt bendeleider Patrick Haemers deur drie zwoarbewoapnde handlangers bevryd uut de celwoagn woamee dat 'n wordt vervoerd.
- 17 - Den Duutsche nazioorlogsmisdoadiger Rudolf Hess pleegt zelfmôord in 't Spandaugevang in Berlyn.
- september
- 1 - In België komt 't Keunienklik Besluut van kracht da smôorn verbiedt ip al d' oopnboare plekkn in België.
- oktober
- 21 - In België valt de regerienge Martens over de kwestje José Happart.
- november
- 11 - In de Nôord-Iersche stad Enniskillen, pleegt den IRA e bomanslag ip menschn die Remembrance Day viern, ter êre van de geneuveldn in den Êeste Weireldoorloge. Der valln elf dôoie.
- 17 - Tsunami in de Golf van Alaska.
- 18 - In de Londnsche metrostoasje King's Cross brêekt er e grôte brand uut woarby dan der 31 dôoie valln. De regerienge krygt vele kritiek vor under bespoariengn by de gemêentes, openboar vervoer, kliniekn en schooln.
- december
- 7 - 't Intermediate-Range Nuclear Forces (INF)-verdrag inzoake kernwoapns wordt getêeknd in Washington DC deur de president van de Verênigde Stoatn Ronald Reagan en Sovjetleider Michail Gorbatsjov.
- 9 - Begun van de Palestynschn intifada ip de deur Israël bezette Westelike Jordoanoever en Gazastroke.
- 21 - Den overzetbôot Doña Paz komt in de Filipynn in anvoarienge met den olietanker Vector en zienkt. Der zyn verzekers mêer of 4000 dôoie.
