Een brouwery es een bedryf of een bedryfke woadat er bier gemakt (gebrouwn) wordt. Woadat er in 't begun van de 20e êeuwe overre iedere gemêente of parochie nen brouwer ad en der overolst café's woaren, es da sedert 't ende van de 20e eeuw serieus geminderd. Der zyn nu nog een oantal grôte spelers ip de markt, lik InBev, moa in West-Vloandern zyn der nen ôop brouwers die toch weetn t'overleevn, ofwel omda ze specioal bier vo nichemarktn brouwn (lik De Gouden Boom of d'Abdy van Westfleetern) of omda ze met under ne geweune pils sterk stoan in een geogroafisch beperkt gebied (lik Bockor in 't Kortrykse).
Een redelik volledige lyste van West-Vlamsche brouweryn kan gevoundn wordn in Brouweryn van West-Vloandern.