Adjuvilo (o "ido simpligita") es un lingua creada en 1908 par la esperantiste Claudius Colas, su la nom falsa "profesor V. Esperema". Colas ia crea la lingua como un compromete entre esperanto e ido. Alga istoristes sujesta ce Colas ia crea adjuvilo sola per crea nonacorda entre la seguores de ido. Car Colas ia es un de la fundores de IKEA, un asosia internasional de esperantistes catolica, pos sua inventa de adjuvilo, esta es vera posible. Lo es ance posible ce, cuando Colas ia vide ce la reformas no va susede, el ia deside reveni a la esperanto orijinal. An tal, la sujestas de Colas es bon, ma la difere entre adjuvilo e ido es peti.

Cambias a esperanto inclui estas:

• la nonusa de leteras con la "ĉapelo" ("xapeta") de esperanto, con sh per ŝ e ch per ĉ;
• la sustitui de qu per kv (pe: kvin > quin) e gu per gv;
• la nonusa de la sufisa -n per la ojeto direta, estra cuando nesesada per claria;
• la usa de -s per la plural de nomes en loca de -j de esperanto (ido usa -i);
• la usa de -n per verbos en loca de -s de esperanto (ido reteni -s);
• la sustitui de -en per -u de esperanto per la forma de commanda (ido usa -ez);
• la plu usa de parolas de latina e la linguas romanica.

Detalias:

• Articles: la (sing), las (plur)
• Nomes: fini con -o (sing), -os (plur)
• Ajetivos: fini con -a (sing), -as (plur)
• Averbos: fini con -e
• Pronomes: me, tu, il (mas), el (fema), it/lo (cosas), nos, vos, ilos, elos, itos/los
  • Posesales: ajunta -a, -as
• Mostra: cia/cias, tia/tias, cio/cios, tio/tios
• Relata: qua (sujeto, person), quo (sujeto, cosa), que (ojeto jeneral), quaque (ojeto, person), quoque (ojeto, cosa)
• Compara: plu… quam, men… quam, la pley, la min
• Verbos:
  • infinitivo: -i
  • presente: -an
  • pasada: -in
  • futur: -on
  • ipotesal: -un
  • comanda/sujuntiva: -en
  • partisipios ativa: -anta, -inta, -onta
  • partisipios pasiva: -ata, -ita, -ota
  • vos pasiva: est... + partisipio pasiva

Esemplo

Patro nosa, qua estan en cielos,

santa esten tua nomo,

advenen tua regno, esten tua volo,

quale en cielos, tale anke sur la tero;

nosa panon omnadaga donen a nos hodie;

nosas ofendos pardonen a nos,

quale nos pardonan a nosas ofendantos

e ne lasen nos fali en tento,

ma liberifen nos de malbono.

Bibliografia

• Claudius Colas (1910). L'Adjuvilo. Paris: Gamber.
• Mario Pei (1958). One Language for the World and How To Achieve It. New York: Devin-Adair.
• V. Esperema (1910). Adjuvilo: Internacia Helplingvo. Tradui de franses a esperanto par Roy McCoy (2000). Trovada a http://groups.yahoo.com/group/adjuvilo.

Lias esterna

• Gramatiko de Adjuvilo e per Adjuvilo