Tavo es un lingua creada simple inventada par Kevin Smith. Tavo ia es orijinal fundida sur glosa (e ia es nomida "glo"). Plu tarda, Smith ia comensa usa la vocabulo de Lingua Franca Nova con un gramatica fundida sur glosa. Aora, tavo ia deveni un varia simplida de espaniol.

Seguente Smith, la goles major de tavo es:

• Fasil per leje. Fasilia de leje es plu importante ca fasilia de scrive.
• Fasil per aprende. Fasilia de aprende es plu importante ca fasilia de usa.
• Nesesa minima per memori. Vocabulo peti, con relata a linguas esistente.
• Regulas simple. Poca regulas. Poca esetas, si an cualce.
• Poca surprendes. Poca varias. Monotonia es bon.
• Neutria cultural. Sinifias no fundida sur metafores. No trata spesial de cosas de un parte de la mundo o un otra - incluinte plantas, animales, mone, sportes, etc.
• Strutur evidente. Lejores debe pote comprende la strutur de frases sin sabe definis spesifada de parolas.

Tavo nuevo

La forma la plu resente de tavo es como un espaniol minimida. La gol es ce la vocabulo es fundida sur la vocabulo comun conoseda de espaniol, ma ce la gramatica es multe plu simple ca espaniol:

• Reforma la spele:
  • elimina H;
  • usa NY per Ñ;
  • usa S per Z;
  • usa SE e SI per CE e CI;
  • usa JE e JI per GE e GI;
  • usa R per RR (e evade parolas cual causa confusa);
  • reteni CH e QU como casos spesial;
  • usa leteras major sola per nomes propre e parolas nontavo.
• Boni la regulas per pronunsia:
  • elimina asentuas (asentua lejera sur la silaba prima e evade usa de parolas cual difere sola par asentua);
  • usa la pronunsias engles de B e V;
  • usa la pronunsia engles de Y (nunca como J);
  • usa la pronunsia engles de C o Z.
• Sutrae la seso lingual e sesisme:
  • article nondefinante es sempre uno;
  • article definante es sempre la;
  • ajetivos fini sempre con -o;
  • pronomes de person tre es sempre el e los;
• Simpli de verbos:
  • no conjugas; usa sempre la forma singular de la person tre (pe habla, tiene, vive);
  • la pasada e futur es indicada sempre par contesto (pe ayer yo come - ier me ia come);
  • la modo dependente es indicada par ria (pe el come ria - el ta come);
  • la partisipio ativa es indicada par ando (pe baila ando gusta a el - dansa plase el).
• Otra simplis:
  • vocabulo multe peti - sola sirca 500 parolas, no incluinte vocabulos spesial (pe nomes de animales e plantas, nasiones, parolas medical, etc);
  • articles es nunca plural (pe la personas);
  • ajetivos es nunca plural (pe dos libros blanco);
  • no pronomes per ojetos direta (pe la casa gusta a yo - la casa plase me);
  • pronomes per ojetos nondireta es la mesma como la pronomes sujetal (yo, tu, el, nosotros, vosotros, los);
  • evade la usa de parolas con du sinifias (pe "querer" per ambos ama e desira, "esperar" per espera e espeta, "si" per si e si, "nada" per no cosa e nada, etc).

Esemplo

la ficcion de Esopo: "la ave sin agua"

pasado, uno ave que necesita agua, encuentra uno copa con uno poco de agua. la agua esta demasiado bajo por la ave puede come. la ave no puede causa la copa cae, por que la copa pesa mucha. la ave piensa y piensa. ello mori ria sin agua. la ave comensa mueve piedras pequenya con la boca, entre la copa. la nivel de agua comensa esta mas alto. despues de mucho piedras y mucho tiempo, la agua esta basta alto, y la ave come la agua.

de sabe y trabaja, viene suceso

La fabula de Esopo: "La avia side"

En la pasada, un avia, cual ia nesesa acua, ia trova un contenador con un pico de acua. La acua ia es tan basa ce la avia no ia pote bevi. La contenador ia es tan pesosa ce la avia no ia pote fa cade lo. La avia ia pensa e pensa. El va mori sin acua. La avia ia comensa move rocas peti con sua beco en la contenador. La nivel de la acua ia comensa leva. Pos multe rocas e multe tempo, la acua ia es sufisinte alta, e la avia ia bevi lo.

La susede veni de sajia e labora.

La fábula de Esopo: "la Corneja con Sed"

La corneja con sed grande vino a un pozo donde falló una herrada en el hondo de la qual estava una poca de agua en tan chica quantidad que la ave no podía bever d' ella salvo trastornándola, y no bastava para ello su fuerça porque era pesada. E assí, movida la corneja de impaciencia, pensando toda manera de ingenio que podía considerar para que pudiesse satisfazer a la sed de que quasi quería morir, cogió de las pedrezuelas que podía traer con la boca con las quales, echándolas en la herrada, dentro hizo crecer el agua y assí falló manera cómo ligeramente pudiesse bever d' ella y amató su sed.

Con la prudencia e industria se suple el defecto de las fuerças.

Fontes

• http://tavo.org/ - tavo
• http://tavo.org/nuevo.html - tavo nova
• http://tavo.org/rules.html - tavo vea
• http://tavo.org/viajar.html - "tavo por viaja" (tavo vea)
• https://web.archive.org/web/20020624123435/http://www.qualitycode.com/glosa/glo-intro.eng.html - glo

Comentas

Orijinal, tavo ia es glosa con un vocabulo de elefen. Aora, tova ia es elefen con un vocabulo de espaniol! On debe demanda a se: Esce tavo es vera plu bon ca elefen, o glosa, o ance espaniol?