| Kotava (Kotava) | |
|---|---|
| Parlada en: | tota la mundo |
| Area: | Frans, Espania, Rusia, Africa, Canada |
| Tota parlores: | s 40 |
| Ordina: | |
| Familia: | Linguas construida |
| State ofisial | |
| Lingua ofisial de: | |
| Regulada par: | |
| Sifras | |
| ISO 639-1 | |
| ISO 639-2 | |
| SIL | |
| Vide ance: Lingua – Lista de linguas | |
Kotava es un proposa per un lingua aidante internasional creada par Staren Fetcey. Lo es un lingua apriori: un lingua no creada de linguas esistente, ma nova creada. Fetcey ia ofre lo a la publica en 1978. Pos tre reformis, la lingua ia es stablida en 2011. Cambias futur es aora controlada par un comite. Kotava ave un eticeta de ISO avk e ave sirca 40 parlores.
La lingua ave un morfolojia multe rica ("aglutinante"), con un ordina de parolas flexable. La ordina "clasical" es SOV.
La alfabeta de kotava ave 24 leteras: a, b, c (como x), d, e, f, g, i, j, k, l, m, n, o, p, r, s, t, u, v, w, x (como ch en Bach), y, z.
La asentua es normal sur la vocal ante la consonante final. Si la parola fini con un diftongo, la asentua es sur la vocal prima de la diftongo (pe, fulay). Verbos per la person prima fini con un vocal asentuada, indicada par un marca de asentua (pe, esté).
La pronom refletante es int e la pronom resiproca es sint (lunlotra).
La determinantes de posese es creada par ajunta -af a la pronom personal. La pronomes de posese es la mesma ma con la article tel (la) a ante.
Kotava ave un cuantia grande de otra pronomes. La fundales es...
Los es estendeda par ajunta estas ante los:
Ave ance un pronom relativa jeneral, dan (ci, cual).
Un indica de seso gramatical no esiste. Per indica la fema de un animal o umana, ajunta -ya. Per la mas, ajunta -ye.
Kotava ave regulas ("regulas eufonial") de acorda de alterantes (determinantes, ajetivos, numeros, partisipios) con sua nomes. La alterantes adota la vocal final de sua nom. Si la nom fini con un consonante, la alterantes fini ance con un consonante. Pe, listaf patectoy (un vista bela), baroye blucte (tre abituas), bati zveri (acel avia). Nota ce la alterante presede normal la nom.
La plural es indicada par la sinifia de parolas alterante e par la conjuga de verbos. La determinante nondefinante jeneral es yon. Ma no indica de pluralia es nesesada, si lo es clar par la contesto.
Nomes aposada ("clasintes") segue nomes propre, e indica la fini per eufonia. Pe cuisafa London widava (London, la site merveliosa). Sufisas per indica individuas es normal ajuntada a la clasinte, no a la nom propre.
La articles es tel (la) e tan (un).
La determinante de demanda es tok (cual, ce).
Kotava ave tre determinantes de mostra:
Kotava usa esta determinantes de cuantia:
0 ned-
Per espresas de matematica:
Ajetivos es indicada par un fini con -f- pos un vocal (tipal -a-). La ajetivo ave un vocal final cual acorda (par eufonia) con sua nom:
Ajetivos pote es derivada de nomes par la ajunta de -f-:
La formas de compara es como esta:
Per esemplo:
On pote indica move en un dirije de cuantia par dupli la prefisas:
E on ajunta tel (la) per indica superioria:
La preposada de compara es dan (ca).
La infinitivo es usada per la radis de la verbo. Ajuntada a lo es un serie de sufisas per indica la person de la sujeto e la tempo:
Per asentua la veria de un frase, ajunta en ante la verbo:
Per indica nonsertia, ajunta rotir ante la verbo:
Per indica la nega, ajunta me, men o mea ante la verbo:
Un paroleta nonusual es vol, cual indica ce on atenta forte no ata en esta modo:
La tempo pasada de un verbo es indicada par ajunta -y- ante la vocal final de la verbo:
La tempo futur es indicada par ajunta -t- ante la vocal final:
Kotava ave multe modos per indica aspetas de verbos. La aspeta continuante es indicada par pone la paroleta dun o wan ante la verbo:
"La aspeta anterior" es simil a la idea de la aspeta perfeta, e es indicada par al:
"La aspeta posterior" espresa la idea ce on va comensa pronto un ata, es es indicada par di:
"La aspeta momental" espresa la idea ce un ata es plu corta ca normal, e es completida en un momento, e es indicada par ve:
Simil a la aspetas anterior e posterior es du paroletas — su e fu — cual indica ce un ata fini o comensa a un momento ante o pos esta momento:
Kotava indica la modo de comanda par no usa la pronom sujetal:
La modo dependente es normal usada pos la junta ede (si) e sua derivadas edeen, edeme, e edevol. Lo es espresada par ajunta co- ante la verbo:
Kotava ave tre partisipios. La partisipio ativa es formida par ajunta -s a la verbo. La partisipio pasiva usa -n. E la partisipio completinte, cual refere a la ojeto nondireta de verbos bitransitiva, usa -mb:
Como en esperanto, esta partisipios ave varias per indica pasada e futur ance:
Estas pote es usada como averbos par ajunta -on:
La lingua ave sinco voses gramatical: ativa, pasiva, refletante, resiproca, e completinte:
Verbos transitiva pote es cambiada a verbos nontransitiva par ajunta -we:
Kotava ave multe prefisas per la verbo per indica "sumodos":
La consonante final de la prefisa es cadeda ante un otra consonante. En ajunta, kotava ave prefisas cual segue estas per indica plu detalia ("sumodo"):
Ancora, la consonante final de la prefisa es cadeda ante un otra consonante.
La ordina de la afisas e parolas de la verbo es como esta:
Kotava ave cuatro averbos simple: adim (per conclui...) balte (natural, serta) ae (es bon, amen) aje (ai, es mal)
Multe averbos es composada de la "estendes" (pe kot, me, bat, etc) discuteda a supra su la discute de pronomes segueda par estas sufisas:
date viele (cuando)
Per crea averbos de ajetivos, sustitui -f o -af par -on:
Preposadas de tempo:
Preposadas de loca:
Estas es estendeda par usa esta varias:
La paroleta ic es usada pos averbos per crea espresas preposadal de loca. Lo pote reseta la mesma sufisas como la preposadas de loca.
La paroleta gu es usada con averbos per crea otra espresas preposadal.
Juntas simple:
Juntas pote es composada de preposadas segueda par da (ce) o dan (como, comparada con), pe:
Esta juntas ave tre formas: La ajunta de -e indica ce la junta lia du proposas. La ajunta de -u sinifia ce, pe, un grupo de ajetivos aplica a la grupo seguente de nomes liada par la junta (pe "la grande blanca gato e can e gal").
Demandas pote es formida par reversa la ordina de la verbo e la sujeto, o par ajunta cas (esce) a la comensa de la frase. Ance, la usa simple de pronomes, determinantes o averbos de demanda en la frase sufisi.
Kotava ave un cuantia multe grande de prefisas e sufisas — tro multe per lista asi. Los es vera esata ma intera coerente.
Kotava pare plu como un "artlang" (un lingua creada como un obra de arte) ca un lingua aidante internasional. Vera, sua natur apriori dirije bon a la problem de internasionalia, ma con la costa de es familial a nun. La usa de multe afisas de deriva e de gramatica pare prima un idea eselente per espresa esata ideas complicada. Ma la asentia de spasios o marcas gida a un problem de reconose do un afisa fini e un radis comensa (e la reversa).
Ma kotava es un obra mestral de crea lingual. Lo es tan plen esplicada ca elefen, e pote espresa cualce ideas cual on pote vole espresa. Plu, lo es un de la poca linguas aidante internasional cual ia reseta un eticeta de ISO, cual es un indica de sua completia e la cuantia de parlores (sirca 40).
| Linguas construida (lista) | ||
|---|---|---|
| Linguas aidante internasional | adjuvilo • bolak • communicationssprache • engles basal • esperanto (esperantido) • esperanto 2 • esperanto reformida • globasa • glosa • idiom neutral • ido • intal • interglossa • interlingua • kah • kosmos • kotava • langue nouvelle • latinesce • latino sine flexione • lingua franca nova • lingua franca nuova • lingwa de planeta • lingwe uniwersala • mondial • mondlango • mundeze • mundolinco • mundolingue • neo • novial • occidental • ses • solresol • sona • spokil • tavo • universalglot • uropi • volapük • yolik | |
| Linguas aidante zonal | afrihili • efatese • folkspraak • frenkisch • medjusloviansce • romániço • romanid • slovianto | |
| Linguas esperimental | lincos • lojban • loglan • tocipona • voksigid | |
| Linguas artal | aingeljã • dothraki • klingon • láadan • nadsat • quenya | |