.jpg)
| |
| Cleveland Cavaliers – No. 30 | |
| Posición | Ala / Escolta |
|---|---|
| Información persoal | |
| Nacemento | 27 de decembro de 1980 (43 anos) Trenton, Nova Jersey
|
| Nacionalidade |  Estados Unidos
|
| Altura | 1,98 m (6 ft 6 in) |
| Peso oficial | 95 kg (210 lb) |
| Información da carreira | |
| Instituto | Steinert (Hamilton, New Jersey) |
| Universidade | Rutgers (1998–2000) Duke (2001–2003) |
| NBA Draft | 2003 / Rolda: 1 / Elección: 20 Por Boston Celtics |
| Carreira | dende 2003 |
| Historial de equipos | |
| Memphis Grizzlies (2003−2007) Sacramento Kings (2007−2008) Denver Nuggets (2008−2009) Indiana Pacers (2009−2012) Dallas Mavericks (2012−2013) Atlanta Hawks (2013) Fort Wayne Mad Ants (2014−2015) Los Angeles Clippers (2015) Grand Rapids Drive (2015–2016) Cleveland Cavaliers (2016−presente) | |
Dahntay Lavall Jones, nado o 27 de decembro de 1980 en Trenton, Nova Jersey, é un xogador de baloncesto profesional estadounidense que actualmente xoga nos Cleveland Cavaliers da National Basketball Association (NBA).
Foi elixido na 20ª posición do Draft da NBA de 2003 polos Boston Celtics, quen traspasaron os seus dereitos xunto cos de Troy Bell aos Memphis Grizzlies, a cambio dos dereitos de Kendrick Perkins e Marcus Banks. Jones xogou as súas primeira catro tempadas coma profesional nos Grizzlies, acadando 5.0 puntos por partido.
Na tempada 2006-07, ningún equipo lle fichou ata o 26 de setembro de 2007, cando Jones asinou un contrato non garantido cos Boston Celtics,[1] pero foi despedido polo equipo pouco máis tarde, o 25 de outubro de 2007.[2]
Jones asinou cos Sacramento Kings o 10 de decembro de 2007.[3] Foi cortado o 16 de febreiro de 2008. Asinou cos Denver Nuggets en xullo de 2008 para a tempada 2008-09.[4] Durante a súa estancia nos Nuggets, Jones mellorou as súas habilidades e xogou de titular en 72 partidos. Xogou cos Denver Nuggets que chegaron ás finais da Conferencia Oeste en 2009. O 14 de xullo de 2009, Jones asinou un contrato cos Indiana Pacers.
O 12 de xullo de 2012, foi traspasado ós Dallas Mavericks.[5] O 21 de febreiro de 2013, Jones foi traspasado ós Atlanta Hawks a cambio de Anthony Morrow.[6] O 27 de setembro de 2013, asinou cos Chicago Bulls.[7] Porén, foi cortado o 8 de outubro.[8] O 14 de xaneiro de 2015, asinou un contrato de dez días cos Los Angeles Clippers.[9]
