James Cameron |
---|
![](https://upload.wikimedia.org/wikipedia/commons/thumb/f/fe/James_Cameron_by_Gage_Skidmore.jpg/250px-James_Cameron_by_Gage_Skidmore.jpg) |
Nome completo | James Francis Cameron |
---|
Nacemento | 16 de agosto de 1954 |
---|
Lugar de nacemento | Kapuskasing |
---|
Nacionalidade | Canadá |
---|
Relixión | ateísmo |
---|
Alma máter | Fullerton College, California State University, Fullerton, Brea Olinda High School e Sonora High School |
---|
Ocupación | produtor de cinema, director de cinema, guionista, montador, inventor, realizador, filántropo, enxeñeiro, actor, explorador, produtor de televisión e produtor |
---|
Cónxuxe | Gale Anne Hurd, Suzy Amis, Kathryn Bigelow, Linda Hamilton e valor descoñecido |
---|
Irmáns | John David Cameron |
---|
Premios | Óscar ó mellor director, premios do Sindicato de Directores, Óscar á mellor montaxe, Óscar ó mellor filme, Globo de Ouro ó mellor director, Salón da Fama de California, Prémio Nierenberg, Hans Hass Award, Hubbard Medal, Canada's Walk of Fame, Science Fiction and Fantasy Hall of Fame, Golden Raspberry Award for Worst Screenplay, Companion of the Order of Canada, Globo de Ouro ó mellor director, star on Hollywood Walk of Fame, Premio Hugo á mellor presentación dramática e Dallas-Fort Worth Film Critics Association Award for Best Director |
---|
Na rede |
---|
![Editar o valor em Wikidata](https://upload.wikimedia.org/wikipedia/commons/thumb/6/63/Arbcom_ru_editing.svg/10px-Arbcom_ru_editing.svg.png) |
|
|
[ editar datos en Wikidata ] |
|
James Francis Cameron, nado o 16 de agosto de 1954 en Kapuskasing, Ontario, é un director de cine, produtor e guionista canadense. É unha figura importante da era posterior ao Novo Hollywood e un dos cineastas máis innovadores da industria. Adoita empregar novas tecnoloxías cun estilo cinematográfico clásico. O seu traballo como guionista e director inclúe filmes como Piraña II (1981), Terminator (1984), Aliens (1986), The Abyss (1989), Terminator 2: O xuízo final (1991), True Lies (1994), Titanic (1997) e Avatar (2009) e as súas secuelas. Dirixiu, escribiu, coproduciu e coeditou Titanic (1997), gañando tres Premios Óscar ao mellor filme, mellor Director e mellor montaxe. Recibiu diversos premios da industria, e tres dos seus filmes foron escollidos para a súa conservación no National Film Registry da Biblioteca do Congreso dos Estados Unidos de América.
Cameron cofundou as produtoras Lightstorm Entertainment, Digital Domain e Earthship Productions. Ademais de facer cinema, é un turista marítimo de National Geographic e produciu moitos documentais sobre o tema, incluíndo Ghosts of the Abyss (2003) e Aliens of the Deep (2005). Cameron tamén contribuíu ás tecnoloxías de filmación submarina cun vehículo remoto e axudou a crear o sistema de cámaras de fusión dixital en 3D. En 2012, Cameron converteuse na primeira persoa en descender en solitario ao fondo da fosa das Marianas, a parte máis profunda do océano da Terra, no submarino Deepsea Challenger.