O show dos Tonechos | |
---|---|
Formato | Comedia |
Intérpretes | Roberto Vilar Víctor Fábregas Dorotea Bárcena Mariana Carballal |
País de orixe | Galicia |
Lingua(s) | Galego |
Produción | |
Duración | 70 minutos |
Emisión orixinal | |
Canle de orixe | TVG |
Primeiro episodio | 18 de abril de 2005 |
Derradeiro episodio | 3 de xullo de 2008 |
Na rede | |
[ editar datos en Wikidata ] |
O show dos Tonechos foi un programa da Televisión de Galicia protagonizado por Roberto Vilar e Víctor Fábregas, dúo humorístico coñecido como Os Tonechos.
Logo de actuacións en programas como Con perdón e Luar, o 18 de abril de 2005 emitiuse o programa piloto do seu propio espazo, cunha cota de pantalla do 25.8%. A partir de maio emitiuse con regularidade semanal en horario de máxima audiencia.
O programa deixou de emitirse en 2008, e en xaneiro de 2009 os dous actores anunciaron a disolución do grupo[1].
Cada episodio tiña unha duración de 70 minutos, que se emitía en directo agás durante a segunda tempada. O día de emisión era o xoves.
A primeira tempada está considerada aínda como a sección que tiña o grupo dentro do programa Luar.
A segunda tempada comezou no ano 2005, pregravada e con novas seccións. Despois da segunda aínda viñeron tres máis, facendo un total de cinco.
Os catro personaxes máis importantes, e que participaron durante toda a serie, son:
O show dos Tonechos foi o cuarto programa máis visto da TVG na tempada 2006-07, con 193.000 espectadores de media e unha cota de pantalla do 19,8%