Infotaula de personaPedro Ferrer

Editar o valor em Wikidata
Biografía
Nacemento5 de abril de 1870 Editar o valor em Wikidata
A Coruña, España Editar o valor em Wikidata
Morte9 de xuño de 1939 Editar o valor em Wikidata (69 anos)
A Coruña, España Editar o valor em Wikidata
Lugar de sepulturacemiterio de Santo Amaro da Coruña Editar o valor em Wikidata
Datos persoais
País de nacionalidadeEspaña Editar o valor em Wikidata
Actividade
Ocupaciónfotógrafo , impresor , editor , comerciante Editar o valor em Wikidata
LinguaLingua castelá Editar o valor em Wikidata
Sinatura
Editar o valor em Wikidata
BNE: XX1744126

Pedro Inocencio Vicente Ferrer Sans, nado na Coruña o 5 de abril de 1870 e finado na mesma cidade o 9 de xuño de 1939, foi un comerciante, impresor, editor e fotógrafo galego.

Traxectoria

[editar | editar a fonte]

Pedro foi o menor dos tres fillos do catalán, natural da comarca de Anoia, Francisco Ferrer Puigdengolas e da coruñesa Niceta Sans Samá, tamén de orixe catalá. A familia dedicábase ao comercio de papel e coa morte do pai o 19 de xaneiro de 1872 ocuparon a dirección a súa nai e o seu irmán máis vello, Francisco Ferrer Sans (Paco), que en 1883 incorporan os servizos de impresión.[1] Paco finou o 6 de outubro de 1884.[2] Pedro fíxose cargo dos negocios familiares e viaxou a canda á súa familia catalá á Exposición Universal de Barcelona de 1888, na que participaba o seu primo Ramon Romaní i Puigdengolas, data na que comeza a tirar fotografías. En 1894 xa ofrecía os seus servizos como fotógrafo no comercio familiar da rúa Real 61, nun edificio de catro plantas onde tamén se situaba o domicilio familiar. Destacan as súas fotografías sobre a vida cotiá da cidade, que apareceron na serie Por las calles. En 1901 comezou a publicación de Portfolio de Galicia, que continuou ata 1912. Editou Vistas de La Coruña e Porfolio de Galicia, fascículos publicados entre 1902 e 1904.[3]

Tamén foi considerado un dos primeiros empresarios discográficos de Galicia, producindo os primeiros discos de música galega.[3][4] Foi socio do Círculo de Artesáns, do Sporting Casino e do Real Club Náutico da Coruña.

Na década de 1930 a súa actividade foi diminuíndo e faleceu por mor dun derramo cerebral en 1939. Foi enterrado no cemiterio de Santo Amaro.[5]

A súa obra difundíronse na I Fotobienal, celebrada en Vigo en 1984[6][7][8] e apareceu publicada no libro As imaxes do traxe en Galicia en 1992.[9]

Vida privada

[editar | editar a fonte]

Pedro Ferrer casou o 5 de febreiro de 1898 con María Josefa Carreras-Presas Mariñas, coa que tivo sete fillos (dous homes e cinco mulleres).

Recoñecementos

[editar | editar a fonte]

En 2007 o concello da Coruña dedicoulle unha rúa.[10]

Galería de imaxes

[editar | editar a fonte]
Nicho de Ferrer en Santo Amaro.

Notas

[editar | editar a fonte]
  1. ↑ Balbini 2015, p. 63.
  2. ↑ Balbini 2015, p. 67.
  3. ↑ 3,0 3,1 Díaz Martínez 2005.
  4. ↑ "El fotógrafo coruñés Pedro Ferrer tendrá una calle en la ciudad" La Voz de Galicia, 31/5/2007 (en castelán).
  5. ↑ Balbini 2015, p. 84.
  6. ↑ Diccionario enciclopédico galego universal.
  7. ↑ Dicionario biográfico de Galicia.
  8. ↑ Enciclopedia Galega Universal.
  9. ↑ Acuña, Xosé Enrique; Cabo Villaverde, Xosé Luis (1992). As imaxes do traxe en Galicia. Vigo: Ir Indo. ISBN 84-7680-090-8.
  10. ↑ "Una foto en la calle de Pedro Ferrer" La Voz de Galicia, 9/6/2007 (en castelán).

Véxase tamén

[editar | editar a fonte]

Bibliografía

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Categorías