Familia
Robertus Iosephus Flaherty, FRGS (16 Februarii 1884—23 Iulii 1951) fuit fabricator pellicularum Americanus qui Nanook of the North (1922) moderatus est et produxit, primam pelliculam documentariam longitudinis plenae in commercio felix. Haec pellicula eius honestatem confirmavit, et nihil quod Flaherty postea effecit hanc rem gestam penitus aequavit, quamquam hoc novum artis genus evolvere perrexit, docufictionis appellatum, in pelliculis Moana (1926), in Polynesia posita, et Man of Aran (1934), in Insulis Aranensibus Hiberniae capta.
Flaherty est progenitor docufictionis et pelliculae ethnographicae (ethnofictionis),[1] generis artis quod Ioannes Rouch et Ioannes Collier, Jr., praecipue inter 1960 et 1970 exercebant et de quo rationcinarentur nomine anthropologiae oculorum, campi inferioris anthropologiae.[2]
Flaherty Franciscam H. Flaherty anno 1914 duxit, quae operam nonnullis mariti pelliculis dedit, et nominationem Praemii Academiae pro optima fabula originali pro Louisiana Story (1948) accepit.