Thomas Browne (19 Octobris 1605 – 19 Octobris 1682) fuit auctor Anglicus operum variorum latam eruditionem suam patefacientium discipliniis medicina, religione, scientia, necnon rebus arcanis.
Eius opera curiositatem profundam, quam revolutio scientifica Baconis res anquirendi valde effecerat, erga naturam ostendunt. Scriptor callidus, stilo proprio peculiareque scripsit atque mentiones rerum mundi antiqui Biblicique scripturis suis semper inseruit. Eius stilus scribendi specie alternat et ita fit singularis uberque, iam brevis sicut notationum, iam intricatus perornatusque.
