Faggiano comune | |
---|---|
Faggiano – Stemme
| |
Localizzazione | |
State | Itaglie |
Reggione | Pugghie |
Provinge | Tarde |
Amministrazione | |
Sinnache | Dumineche Sgobba (centrosinistra) da 'u 15/06/2004 |
Territorie | |
Coordinate | 40°25′00″N 17°23′00″E |
Altitudine | 56 m s.l.m. |
Superficie | 20,91 km² |
Crestiàne | 3 561[1] (31-12-2010) |
Denzetà | 170,3 ab./km² |
Fraziune | San Crispieri |
Comune 'nzeccate | Pusane, Roccaforzata, San Giorgie Ioniche, Tarde, Lizzano |
Otre 'mbormaziune | |
Cod. postale | 74020 |
Prefisse | 099 |
Fuse orarie | UTC+1 |
Codece ISTAT | 073005 |
Cod. catastale | D463 |
Targhe | TA |
Cl. sismiche | zone 4 (sismicità assaije vasce)[2] |
Nome javetande | faggianotte o faggianise |
Patrone | San Gesèppe |
Sciurne festive | 19 marze |
Cartografije | |
Posizione d'u comune de Faggiano a 'u 'nderne d'a provinge de Tarde | |
Site istituzionale | |
Faggiano éte 'nu comune tagliáne de 3.513 crestiáne d'a Provinge de Tarde jndr'à Pugghie. Faggiano face parte de l'Aunìone de le Comune de Montedore, nate jndr'à 'u settemmre d'u 2002.
'U territorie comunale jè prevalendemende collinare, cu 'n'altitudine combrese 'mbrà le 20 e le 147 metre sus a 'u levèlle d'u mare. 'U borghe nasce sus a 'u versande meridionale d'u Monde Dore, 'na colline de altezze vascia vascia ca face parte de le Murge Tarandine, parzialmende cuperte da 'na pinete.
'A storie documendate de Faggiano parte da 'u Medioeve, addò vecine a 'u borghe de osce a die javetarene certe monace basiliane ca s'averene reparete pe fuscersene da le perquisiziune. Tracce se iacchiane jndr'à certe cave de tufe, addò sonde presende pure de le cripte. 'A zone avenìe pò occupate da gruppe de Albanise, apprisse 'a morte de Giorgie Castriota Scanderbeg (Gjergj Kastrioti Skënderbeu, eroe nazionale Albanese).
'U gruppe occupò in particolare 'a località Serra addò osce a die nasce 'a frazione de Faggiano, San Crispieri.
Se arrive accussì a 'a fine de l'anne Trecinde purcé 'u Pringipate de Tarde putè dichiarà Faggiano cumme 'nu casale, dotate de autonomije amminstrative e in particolare sotte 'u state de Universitas, cioò sotte esenzione de 'mboste fiscale.
Apprisse quase a cinghe anne de stu status comungue 'u Regne de Napule, ca all'epoche combrendeve le dominie pugghiese, sckaffò le tassazziune, creanne ribbellione e malcondende jndr'à popolazzione de 'nu cendre cu attività quase tutte agricole.
'Na specie de autonomije arrevò jndr'à 'u Uettecinde. Cu l'arrive de Napoleone jndr'à l'Itaglie spicciò 'u Feudalesime. Intande, condinuò 'u disboscamende d'a foreste ca cercunnave totta l'arèe.
'U prengepàle edificie releggiose jè 'a Chiesere Madre de Sanda Marije Assunde ca pò essere ca resale a 'u XIV sechele. Le prime notizie secure ss a 'u luèche de culte resalene a 'a relazione d'a visite fatte da l'arcivescove de Tarde Lelio Brancaccio 'u 4 masce 1578. Jndr'à chiesere, a navate uneche e lastricate de lapide sepolcrale, se celebbrave 'a messe cu 'u rite greche, ca avenìe stipate 'mbonde a tutte 'u XVIII sechele, a testimoniare 'u forte attaccamende a le tradiziune greche-albanise d'a comunitate. Jndr'à 'u 1760 'a chiesere avenìe restaurate e pigghiò l'aspette de osce a die.
'A fraziona piccenne de Faggiano, San Crispieri jè 'nu agglomerate piccinne de cchiù o mene 50 abitaziune, ca tène 'nu castelle, javetate da 'na famigghie locale, e 'na scole elemendare oramaije abbandunate.
Crestiane censite
'U comune jè suddivise jndr'à 5 riune, ditte Chiancara, Era Giudei, Lopa Calvario, Montedoro e Cornula, apparte 'a frazione de San Crispieri. Le nome de le riune pigghiane origgene da le luèche: "Chiancara" da le chianghe ca angore jndr'à quacche zone d'u paese se riescene a vedè, "Era Giudei" da le crociate ca se facerene jndr'à 'u Medioeve, "Lopa Calvario", avène, appunde, da 'u Calvario ca se iacchie jndr'à periferie d'u paese, "Montedoro" pigghie 'u nome da 'u monde ca ste sus a 'u paese, "Cornula" da 'u nome de l'arvule ca se iacchie atturne a 'u rione e, "San Crispieri" da 'u nome d'a frazione.
Faggiano ss'abbale d'agricolture, specialmende d'alie e d'uve. L'economije d'u comune se base prengepalmende sus a l'agricolture, in particolare sus 'a coltivazione de uve e alie. Sonde attive pure industrie alimendare piccenne, specie pa lavorazione d'u cafeje e d'a carne. 'A zone industriale de Faggiano se stenne a Nord, Nord-Ovest, vecine a le confine cu 'u comune de San Giorgie Ioniche.
Sinnache: Dumineche Sgobba (centrosinistra) da 'u -/-/2009
'U comune non ge tène nisciuna strutture sportive. Se stonne e costruiscene 2 cambe de calcette e 'nu cambe de pallavvole.