Universitas Islam Bandung
(Uninus)
Ngadeg | 30 November 1959 |
---|---|
Jinis | Paguron luhur swasta |
Réktor | Prof. Dr. H. Engkus Kuswarno, M.S. |
Perenah | Bandung, Jawa Kulon |
Loka | [1] |
Universitas Islam Nusantara atawa nu ilahar dipiwanoh UNINUS nyaéta salah sahiji paguron luhur swasta nu aya di Bandung, Jawa Kulon.[1] Alamat UNINUS téh aya di Jl. Soekarno Hatta No. 530 Bandung 40286.[2]
UNINUS ngadeg dina kaping 30 November 1959 kalayan ngaran Universitas Nahdlatul Ulama (UNNU). Ngadegna UNNU di Indonésia téh mangrupa wujud cita-cita para ulama nu kahimpun di Keluarga Besar Ahli Sunnah Waljamaah jeung umat Islam umumna.[1]
Uninus munggaran dipupuhuan ku Rektor Prof. Dr. Achmad Sanusi, S.H., M.P.A. Kalungguhanna aya dina papayung Yayasan Universitas Nahdlatul Ulama nu diasuh ku K.H. Idham Khalid, K.H Subhan Z.E (Alm.), K.H. Achsien (Alm.), K.H. Habib Utsman Al-Aydarus (Alm.), jeung réngrénganna, nu di pupuhuan ku K.H.E.Z Muttaqien (Alm.).[1] Dina ngalarapkeun Tridharma, ti munggaran Uninus ngadeg nganut ka sistem terpadu, ku sabab éta, fakultas nu munggaran dibuka téh nyaéta Fakultas Hukum jeung Fakultas Ekonomi.[1]
ku lantaran Fakultas Hukum jeung Fakultas Ekonomi kacida mekarna, tanggal 18 September 1963, ijazah kadua fakultas éta diajénan sarua jeung ijazah ti Paguron Luhur Nagri.[1] Tapi dina taun 1965-1966 loba masalah nu mangaruhan sakabéh masarakat, kitu deui mangaruhan widang pangatikan.[1] Kagiatan kampus jeung tridharmana teu bisa deui dijalankeun sakumaha biasana ku sabab sakabéh pangurus universitas kapanggil pikeun babarengan nahankeun kalumangsungan hirup bangsa jeung nagara.[1] Sanggeus bérés masalah politik jeung sosial taun 1965-1966, sakabéh pangurus UNNU babarengan jeung pangurus akademika ti paguron luhur lainna, saperti Akademi Pendidikan Agama Islam, Universitas Ibnu Khaldun, Universitas Muhammadiyah Bandung, sapakat pikeun ngagabung (merger).[1] Tina hasil kasapakatan éta, Universitas Islam Nusantara mimiti ngadeg dina papayung Yayasan Islam Nusantara (Uninus). Gumelarna Uninus dirojong ku Al Mukarom H. Dr. Idham Khalid salaku Pupuhu Umum Pengurus Besar Nahdatul Ulama jeung Menteri Pendidikan jeung Kabudayaan di waktu harita.[1] Diakuna status éta, nuluykeun status UNNU saperti nu aya dina surat tanggal 30 Agustus 1969.[1] Sanggeus robah ngaran, Uninus dipupuhuan ku Drs. Sukrama Wiraputra salaku Rektor, dibantos ku Drs. Abin Syamsuddin Makmun, MA., Drs. Ibrahim A Effendi, Achmad Roestandi, S.H., jeung K.H.R. Sudja’i salaku nu ngabantos Rektor.[1] Sadengkeun Yayasan Universitas Islam Nusantara salaku Badan Hukum Pembina dipupuhuan ku Prof. Dr. H. Ahmad Sanusi, S.H., M.P.A. jeung Tb. Drajat Martha (Alm.).[1]
Uninus kiwari ngawengku 7 Fakultas nu mayungan sababaraha Jurusan jeung Program Studi, di antarana:[1]
Salian ti Program Strata 1 (S1), Universitas Islam Nusantara ogé ngabina Program Pasca Sarjana (PPs) S2/S3. PPs Universitas Islam Nusantara ngabina program magister (S2).
Sakabéh jurusan nu aya di Uninus geus ka areditasi ku BAN PT.
Dada Rosada, Mantan Walikota Bandung, 2003-2013
Tubagus Lily Hambali Hasan, Mantan Bupati Purwakarta, 2003-2008
Hudarni Rani, Mantan Gubernur Bangka Belitung, 2002-2007
Dadang M. Nasser, Bupati Kabupaten Bandung 2010-Sekarang
Djajang Nurjaman, Pelatih Persib Bandung
Santo Kadarusman, PR & ME PT. Hartono Istana Teknologi Polytron