Samica er ein fleirspråkleg og tverrvitskapleg skriftserie som tek for seg språk, litteratur og kultur i Sápmi (Sameland). Han er blitt gjeven ut av Albert-Ludwigs-Universität Freiburg i Tyskland sidan 2014.[1][2] Redaktørane er litteratur- og kulturforskaren Thomas Mohnike ved Strasbourg universitet og språkforskarane Michael Rießler og Joshua Wilbur ved Freiburgs universitet.
Samica inneheld litterære tekster i opphavleg språkdrakt eller omsetjing, populærvitskaplege tekstar og læremateriale. Tekstane kan vera på tysk, samiske eller andre nordiske språk.
Skriftserien blei grunnlagd i 2014 som oppfølgjar til Kleine saamische Schriften, som vart publisert av Humboldt-universitetet i Berlin.[3] Michael Rießler har også vore redaktør siden starten av den skriftserien.
Bidrag til finansiering av Samica sine einskilde utgåver vart gjort av m.a. Finska litteratursällskapet,[4] Arjeplog kommune, det norske Sametinget[5] og Norwegian Literature Abroad.[6]