Fontainemelon | |
---|---|
Basisdatä | |
Staat: | Schwiiz |
Kanton: | Nöieburg (NE) |
Bezirk: | |
Gmeind | Val-de-Ruz |
PLZ | 2052 |
Koordinate: | 558234 / 211917 |
Höchi: | 864 m ü. M. |
Flächi: | 2,45 km² |
Iiwohner: | 1633 (31. Dezämber 2012)[1] |
Website | www.fontainemelon.ch |
Charte | |
BEMERKUNG_KARTE= |
Fontainemelon (frankoprovenzalisch [a fɔ̃tɑːnˈmlɔ̃]) isch en Ortschaft im Kanton Nöueburg. Früener isch s en eigeti Gmeind gsii. Zum 1. Jänner 2013 het si mit dr Gmaine Boudevilliers, Cernier, Chézard-Saint-Martin, Coffrane, Dombresson, Engollon, Fenin-Vilars-Saules, Fontaines, Les Geneveys-sur-Coffrane, Les Hauts-Geneveys, Montmollin, Le Pâquier, Savagnier un Villiers zue dr neie Gmai Val-de-Ruz fusioniert.
Zue Fontainemelon ghert näb em glychnamige Dorf au no ne Dail vum Wyler Les Loges (1'185 m ü. M.). Dr Bann umfasst 42 Prozänt landwirtschaftligi Flechi, 39 Prozänt Wald und 19 Prozänt Sidligsflechi.
D Nochbergmaine vu Fontainemelon sin Fontaines, Les Hauts-Geneveys un Cernier gsi.
Fontainemelon isch zum erschte Mol gnännt wore um 1350 as Fontainnemelom, 1358 Fontannamillon.
Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.
Quälle: Bundesamt für Statistik 2005[2]
Johr | 1850 | 1860 | 1870 | 1880 | 1888 | 1900 | 1910 | 1920 |
Yywohner | 490 | 522 | 683 | 712 | 619 | 794 | 890 | 911 |
Johr | 1930 | 1941 | 1950 | 1960 | 1970 | 1980 | 1990 | 2000 |
Yywohner | 787 | 823 | 973 | 1232 | 1417 | 1450 | 1481 | 1605 |
Dr Uusländeraadail isch 2010 bi 3,5 % gläge.
70 Prozänt vo dr Yywooner sin evangelisch-reformiert, 16,5 Prozänt sin römisch-katholisch (Stand 2000).
Bi dr Nationalrootswahle 2011 het s des Ergebnis gee: BDP 1,5 %, CVP 2,4 %, FDP 34,0 %, Grüeni 6,3 %, PdA 1,2 %, SP 6,8 %, SVP 42,8 %.
Sid em Änd vom 18. Joorhundert git’s im Dorf Uuregwärb.
Bi dr Volkszellig 2000 hän vu dr 1605 Yywohner 95,2 Prozänt Franzesisch as Hauptsproch aagee, 3,4 Prozänt Dytsch, 0,2 Prozänt Italienisch un 1 Prozänt anderi Sproche.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn.[3][4]