La Sagne | |
---|---|
Basisdate | |
Staat: | Schwiiz |
Kanton: | Nöieburg (NE) |
Bezirk: | (Dr Kanton Nöieburg kännt sit 2018 kä Bezirk me.) |
BFS-Nr.: | 6423 |
Poschtleitzahl: | 2314 |
UN/LOCODE: | CH SGN |
Koordinate: | 551465 / 209961 |
Höchi: | 1'039 m ü. M. |
Flächi: | 25.55 km² |
Iiwohner: | 1069 (31. Dezämber 2022)[1] |
Website: | lasagne.ne.ch |
Miéville | |
Charte | |
La Sagne (frankoprovenzalisch [la sɛːɲ]) isch e Dorf und e bolitischi Gmai vom Kanton Nöueburg.
La Sagne isch e Stroßedorf im eschtlige Vallée de la Sagne et des Ponts. Das Taal lyt hinder der vorderschte und höchschte Gebirgschetti vom Jura.
Zue dr Gmai ghere d Ortsdail Les Coeudres (1'012 m ü. M.), Le Crêt (1'032 m ü. M.), Miéville (1'037 m ü. M.), La Sagne-Eglise (1'039 m ü. M.), La Corbatière (1'080 m ü. M.) un Marmoud (1'026 m ü. M.). Dr Bann umfasst 60 Prozänt landwirtschaftligi Flechi, 37 Prozänt Wald un 3 Prozänt Sidligsflechi. D Nochbergmaine vu La Sagne sin La Chaux-de-Fonds, Le Locle, Les Ponts-de-Martel, Brot-Plamboz, Rochefort un Val-de-Ruz.
La Sagne isch zum erschte Mol gnännt wore anne 1332 as la Sagne.
Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.
Quälle: Bundesamt für Statistik 2005[2]
Johr | 1850 | 1860 | 1870 | 1880 | 1888 | 1900 | 1910 | 1920 |
Yywohner | 1800 | 1989 | 1952 | 1785 | 1721 | 1565 | 1481 | 1505 |
Johr | 1930 | 1941 | 1950 | 1960 | 1970 | 1980 | 1990 | 2000 |
Yywohner | 1287 | 1061 | 1057 | 1061 | 984 | 929 | 902 | 997 |
Dr Uusländeraadail isch 2010 bi 24,8 Prozänt gläge.
36,9 Prozänt vo dr Yywooner sin evangelisch-reformiert, 32,3 Prozänt sin römisch-katholisch (Stand 2000).
Bi dr Nationalrootswahle 2011 het s des Ergebnis gee: BDP 0,7 Prozänt, CVP 4,0 Prozänt, FDP 39,1 Prozänt, Grüeni 10,9 Prozänt, PdA 0,2 Prozänt, SP 22,9 Prozänt, SVP 16,5 Prozänt.
La Sagne isch es Puuredorf; und es het dört chly Gwärb und Induschtry.
Bi dr Volkszellig 2000 hän vu dr 997 Yywohner 82,5 Prozänt Franzesisch as Hauptsproch aagee, 6,2 Prozänt Dytsch, 3,5 Prozänt Italienisch un 7,8 Prozänt anderi Sproche.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn[3][4]