Wavre oder au Wabere, wie me früener uf düütsch gseit het, isch en Ortschaft i der Gmeind La Tène im Kanton Nöieburg.

S Dorf lyt uf em Moränehügel im Weschte vo der Ebeni am Zylkanal, nume ei Kilometer vo der Sidlig Thielle wägg.

Anne 1888 het sech Wabere mit der domolige Nochbergmeind Thielle zämetoo zum die nöji Gmeind Thielle-Wavre z bilde. Ufe 1. Jänner 2009 het die Gmeind zäme mit Marin-Epagnier fusioniert, und eso isch die nöji Gmeind La Tène entstande.

Es bekants Huus z Wabere isch s Pänsionaat Montmirail.

D Wavre sind im Middelalter eini vo de eltischte bekante Bürgerfamilene z Nöieburg gsi.^[1]

• Olivier Girardbille / AHB: Thielle-Wavre. In: Historisches Lexikon vo dr Schwiiz.

1. ↑ Myriam Volorio Perriard: Wavre. In: Historisches Lexikon vo dr Schwiiz.