John F. Kennedy
Nome completo	John Fitzgerald Kennedy
Nacemento	29 de maio de 1917
Lugar de nacemento	Brookline
Falecemento	22 de novembro de 1963
Lugar de falecemento	Parkland Memorial Hospital
Causa	ferida por arma de fogo
Soterrado	Cemiterio Nacional de Arlington
Nacionalidade	Estados Unidos de América
Etnia	irlandoamericano
Relixión	catolicismo
Alma máter	London School of Economics, Harvard College, Choate Rosemary Hall, Riverdale Country School, Stanford Graduate School of Business, Universidade de Princeton, Edward Devotion School, Noble and Greenough School, Canterbury School e Dexter School
Ocupación	político, xornalista, estadista, escritor, oficial da armada e anticomunista
Pai	Joseph P. Kennedy
Nai	Rose Kennedy
Cónxuxe	Jacqueline Kennedy Onassis
Fillos	John F. Kennedy, Patrick Bouvier Kennedy, Arabella Kennedy e Caroline Bouvier Kennedy
Irmáns	Joseph P. Kennedy, Rosemary Kennedy, Kathleen Kennedy Cavendish, Eunice Kennedy Shriver, Patricia Kennedy Lawford, Robert F. Kennedy, Jean Kennedy Smith e Edward Kennedy
Coñecido por	Nós escolhemos ir para a Lua, Ich bin ein Berliner e Profiles in Courage
Premios	Navy and Marine Corps Medal, Purple Heart, American Defense Service Medal, Medalha da Campanha Americana, Asiatic-Pacific Campaign Medal, Medalha de Vitória da Segunda Guerra Mundial, Prêmio Pacem in Terris, Grand Officer of the Order of Merit of the Italian Republic, Medalla Presidencial da Liberdade, Prémio Pulitzer de Biografia ou Autobiografia, Grand Officer of the Order of the Star of Italian Solidarity, Ordem do Mérito da República Italiana, Laetare Medal, Persoa de Ano da revista Time e Jane Addams Children's Book Award
Na rede
https://www.whitehouse.gov/about-the-white-house/presidents/john-f-kennedy/
[ editar datos en Wikidata ]
v c e

John Fitzgerald Kennedy, con frecuencia referido como Jack Kennedy ou JFK, nado o 29 de maio de 1917 e asasinado o 22 de novembro de 1963, foi o presidente número 35 dos Estados Unidos de América, entre os anos 1961 e 1963.

John Fitzgerald Kennedy pasou á historia como un dos presidentes máis lembrados tanto pola súa idiosincrasia (foi o presidente dos Estados Unidos elixido máis novo, e o primeiro de relixión católica) como pola súa tráxica morte nun atentado.

Traxectoria

Segunda guerra mundial

A súa familia era de orixe irlandesa. Seu pai, o doutor Joseph Kennedy, era embaixador dos Estados Unidos na Gran Bretaña xusto antes da segunda guerra mundial e posuía unha das maiores fortunas do país.

John F. Kennedy convértese nun heroe de guerra. A bordo do seu patrulleiro PT109 foi atacado por un patrulleiro xaponés. Permaneceu durante 30 horas no mar, a fin de manter con vida a algúns compañeiros gravemente feridos. Deste xeito agravou unha lesión de costas que sufrira xogando ao fútbol americano, e que lle causaría molestias durante toda a súa vida.

O seu irmán máis vello morreu en combate durante a guerra, polo que John tivo que tomar as responsabilidades propias da ambición política que seu pai tiña para o clan familiar.

Vida política

En principios dos anos 1950 convértese en senador polo estado de Massachusetts.

Como candidato demócrata gañou na elección presidencial de 1960 ao entón vicepresidente, Richard Nixon e o seu mandato só durou aproximadamente mil días. Durante ese tempo tiveron lugar varios feitos salientables na historia dos EUA: a aceleración da carreira espacial, o aumento do papel dos Estados Unidos na guerra de Vietnam e a invasión de Baía de Cochinos, que desencadeou a crise dos mísiles de Cuba en 1962. As negociacións entre o goberno de Kennedy e Nikita Khrushchev conseguiron deter as hostilidades; así e todo, durante toda a historia da guerra fría xamais se estivo tan preto dunha confrontación armada directa entre as dúas potencias.

En canto a Latinoamérica, lanzou o seu programa "Alianza para o Progreso", que pretendía lograr un maior achegamento entre as diferentes nacións de América, con respecto a EEUU, para deste xeito afastalas da influencia soviética, encarnada en Cuba. Froito deste plano foi o xurdimento de Cidade Kennedy, que actualmente é o barrio máis grande de Bogotá, con máis dun millón de habitantes.

Internamente tivo un importante labor en promover os dereitos civís da poboación afroamericana, especialmente nos estados do sur, onde seguían sufrindo unha forte segregación. Así mesmo polo seu carisma foi unha fonte de inspiración para que moitos estadounidenses se envolvesen social e politicamente na actividade pública.

A súa administración colidiu contra varios poderes do país. A orixe dubidosa de parte da fortuna familiar (o seu pai traficou con licor durante a lei seca) ligábao a membros da mafia dos Estados Unidos, especialmente a Sam Giancana. Esta situación, sumada á política recalcitrante do seu irmán máis novo e fiscal xeral (equivalente nos EUA a ministro de xustiza) Robert F. Kennedy, fixo que o presidente se atopase no medio dun conflito de intereses, fóra do normal. A isto era preciso sumar a confrontación aberta dos Kennedy (en especial Robert) co principal xefe sindical do país, Jimmy Hoffa.

Asasinato

Kennedy foi asasinado en Dallas o 22 de novembro de 1963 durante unha viaxe oficial. Lee Harvey Oswald foi detido, acusado de cometer o atentado. Este último foi á súa vez asasinado por Jack Ruby antes de que puidese testemuñar nun xuízo.

Este atentado afectou enormemente a sociedade estadounidense. Hoxe en día son poucos os estadounidenses que cren que o doutor John F. Kennedy foi asasinado por Lee Harvey Oswald, ou que o fixo só. Existen ata numerosas hipóteses de conxura nas cales se implica a CIA, o FBI, o goberno cubano de Fidel Castro, ou os exiliados cubanos.

Na cultura popular

Téñense realizado varias películas nas que se trata a súa morte, como:

• Acción executiva, de Dalton Trumbo
• JFK, caso aberto, de Oliver Stone.

Véxase tamén

Commons ten máis contidos multimedia sobre:  John F. Kennedy

A Galicitas posúe citas sobre:  John F. Kennedy

Bibliografía

• Alford, Mimi; Newman, Judith (2011). Once Upon A Secret: My Affair with President John F. Kennedy and its Aftermath. Londres: Hutchinson. ISBN 978-0-09-193175-9. 
• Ballard, Robert D. (2002). Collision With History: The Search for John F. Kennedy's PT 109. Washington, DC: National Geographic. ISBN 978-0-7922-6876-5. 
• Barnes, John (2007). John F. Kennedy on Leadership. 
• Bugliosi, Vincent (2007). Reclaiming History: The Assassination of President John F. Kennedy. Nova York: Norton. ISBN 978-0-393-04525-3. 
• Dallek, Robert (2003). An Unfinished Life: John F. Kennedy, 1917–1963. Boston, MA: Little, Brown and Co. ISBN 978-0-316-17238-7. 
• Donovan, Robert J. (2001) [1961]. PT-109: John F. Kennedy in WW II (40th Anniversary ed.). McGraw Hill. ISBN 978-0-07-137643-3. 
• Herst, Burton (2007). Bobby and J. Edgar: The Historic Face-Off Between the Kennedys and J. Edgar Hoover That Transformed America. Basic Books. ISBN 978-0-7867-1982-2. 
• Jewell, Elizabeth (2005). U.S. Presidents Factbook. Nova York: Random House. ISBN 978-0-375-72073-4. 
• Kenney, Charles (2000). John F. Kennedy: The Presidential Portfolio. PublicAffairs. ISBN 978-1-891620-36-2. 
• Leaming, Barbara (2006). Jack Kennedy: The Education of a Statesman. W. W. Norton. ISBN 978-0-393051-61-2. 
• Maier, Thomas (2004). The Kennedys: America's Emerald Kings. 
• Matthews, Chris (2011). Jack Kennedy: Elusive Hero. Simon & Schuster. ISBN 978-1-4516-3508-9. 
• Nelson, Craig (2009). Rocket Men: The Epic Story of the First Men on the Moon. Nova York, Nova York: John Murray. ISBN 978-0-670-02103-1. 
• O'Brien, Michael (2005). John F. Kennedy: A Biography. Thomas Dunne. ISBN 978-0-312-28129-8. 
• Reeves, Richard (1993). President Kennedy: Profile of Power. Nova York: Simon & Schuster. ISBN 978-0-671-64879-4. 
• Schlesinger, Arthur M. Jr (2002) [1965]. A Thousand Days: John F. Kennedy in the White House. Boston: Houghton Mifflin. ISBN 978-0-618-21927-8. 
• Sorensen, Theodore (1966) [1965]. Kennedy (paperback). Nova York: Bantam. OCLC 2746832. 

Outros artigos

• Medio dólar Kennedy

Predecesor: Dwight D. Eisenhower

Presidente dos Estados Unidos de América  1961–1963

Sucesor: Lyndon B. Johnson