Ti pagsasao a Bolyu (autonimo: pɔ˧lju˩˧; Insik: 巴琉语, 布流语; ammo pay a kas Paliu, Palyu, wenno Lai 俫语, 徕语) ket ti maysa a pagsasao nga Austroasiatiko ti sanga a Pakaniko (Sidwell 1995). Dagiti Bolyu ket maysa kadagiti saan a mabigbigan a grupo ti etniko idiay Tsina. Idi 1984, ti Bolyu ket immuna idi nga inadal babaen ni Liang Min iti Nationalities Research Institute iti Beijing. Ni Liang ti immuna idi a nangisingasing a ti pannakaikabagian ti Mon–Khmer iti Bolyu, a kanungpalan met a pinasingkedan babaen dagiti Akinlaud a lingguista a kas da Paul K. Benedict, Paul Sidwell, ken Jerold A. Edmondson.

Pannakaidasig

Ti Bolyu ket kabagian ti pagsasao a Bugan, ken mangporma iti sanga a Pakaniko. Nupa kasta, ti lugar ti sang a Pakaniko iti kaunegan ti pamilia a Mon–Khmer ket saan nga ammo. Insingasing ni Sidwell (1995) a ti sanga a Pakaniko ket mabalin a sanga nga Akindaya a Mon–Khmer, isu a mangaramid daytoy a ti kaasitgan a kabagian ti sanga a Vietiko. Nupay kasta, indasig ni Gérard Diffloth ti Pakaniko kas Akin-amianan a Mon–Khmer, a mangaramid daytoy a kaasitgan a kabagian ti sanga a Palaungiko.^[2]

Pannakaiwarwaras

Dagiti agsasao iti Bolyu ket mabirukan kadagiti sumaganad a lokasion idiay akin-abagatan a Tsina (Edmondson 1995).^[3][4]

• Douhong 斗烘屯, Xinhe 新合村, Ili ti Changfa 长发, Kondado ti Longlin, Guangxi (masansan a makitataeng kadagiti kaarruba a Gelao). Naisasao pay kadagiti asideg nga ili ti Kechang 克长, De'e 德峨, ken Changme 长么.^[5]
  • Xinhe 新合村 - Datiezhai 打铁寨、Changfajie 长发街: 50 nga agsasao
  • Xinhua 新华村 - Luowan 罗湾: 300; Kabao 卡保、Renshang 仁上: 160 nga agsasao
  • Dagiti purok nga addaan laeng iti tattao a Bolyu: Muzi 亩子, Dazhai 大寨, Xiaozhai 小寨
• Guosha/Hengsha 过沙/亨沙, Wenya 文雅村, Nawaya nga Ili ti Puhe Miao 普合苗族自治乡, Kondado ti Xilin, Guangxi. Naisasao pay idiay Naya 那牙, Ili ti Badahe 八大河乡.^[5] 230 a dagup ti agsasao.

Dinokumentuan ni Li (1999) ti karuay ti Bolyu iti Muzitun 亩子屯, Purok ti Xinhe 新合村, Ili ti Changfa 长发乡, Kondado ti Longlin, Guangxi.

Kadagiti sumaganad a purok, dagiti laeng manakman ti nabati a makasao iti Bolyu.

• Ili ti Zhelang 者浪乡: Zhezhai 者寨、Langrong 郎荣、Linghao 岭好
• Ili ti Kechang 克场乡: Haichang 海长
• Ili ti Shechang 蛇场乡: Daguo 达果

Adda dagiti 1,400 a Bolyu nga agtataeng idiay Guangxi, ken sumurok a 1,000 idiay Yunnan.^[5]

Dagiti nagibasaran

• Benedict, Paul K. 1990. "How to Tell Lai: an exercise in classification." Linguistics of the Tibeto-Burman Area. 13/2:1-26.
• Edmondson, Jerold A. 1995. "English-Bolyu glossary." Mon–Khmer Studies 24: 133-159.
• Edmondson, Jerold A. and Kenneth J. Gregerson. 1996. "Bolyu tone in Vietic perspective." Mon–Khmer Studies 26: 117-33.
• Sidwell, Paul. 1995. "Bolyu is a Mon–Khmer language: even if Benedict says so!" La Trobe working papers in linguistics. Volume 8 (1995). Bundoora, Victoria: Linguistics Program, La Trobe University.
• Jiang Jun [蒋俊]. 2005. Ethnic group and nation in the village vision: Field research about Lai people Naiyarkibo 2016-03-04 iti Wayback Machine [村落视野中的族群与民族：关于俫人的田野研究]. M.A. dissertation, Guangxi Normal University. http://www.docin.com/p-380721709.html
• 俫语使用人口稳定增长原因探究. In 中国少数民族语言使用现状及其演变研究.
• Qin Xiaohang & Li Fanglan. 2011. The status quo and trend of language use by Lai people Naiyarkibo 2017-06-26 iti Wayback Machine. Mon-Khmer Studies 40.

Dagiti akinruar a silpo

• Bokabulario ti Bolyu manipud iti SEAlang