Ecclesia cathedralis Cicestrensis in Sussexia Angliae meridianae visitatur. Dioecesis Australium Saxonum, a saeculo VII Selsey in urbe positam, anno 1075 Cicestriam translata est, episcopo Stigando. Ecclesia cathedralis eo anno incepta anno 1108 consecrata est, episcopo Radulpho de Luffa. Post incendium magna parte refecta, curante episcopo Seffrido (secundo huius nominis), anno 1199 iterum consecrata est. Fanum sancti Ricardi, episcopi Cicestriensis anno 1253 mortui, a peregrinis frequentabatur.
Culmen quod media ecclesia in turrem superpositum erat anno 1861 collapsum est. Restitutionem ecclesiae Georgius Gilbertus Scott inter annos 1861 et 1867, iterum anno 1872 curavit.[1]
![]() |
Situs geographici et historici: Locus: 50°50′11″N 0°46′51″W |
![]() |
Vicimedia Communia plura habent quae ad cathedralem Cicestrensem spectant. |