Phocoenidae sunt familia mammalium marinorum omnino aquaticorum, parvordinis Odontocetorum. Sunt septem Phocoenidarum species exstantes. Haec cetacea cum delphinidis oceanicis artissime conectuntur. Apertissima differentia inter quos greges binos est phocoenidis esse rostra breviora et dentes plani paliformesque, a conicis aliorum odontocetorum dentibus distincti. Phoconidae et alia cetacea ad cladum cetartiodactylorum cum artiodactylis pertinent, et eorum artissimi cognati exstantes sunt hippopotami, qui abhinc annorum fere quadraginta milliones ab eis deflexerunt.
Phocoenidae magnitudine variant ab 1.4 metris et 54 kg (Phocoena sinus, mininum cetaceum iam inventum) ad 2.3 metra et 220 kg (Phocoenoides dalli). Nonnullae species dimorphismum sexualem exhibent, ut feminae maribus maiores sint. Corpus est mollis, duobus membris remiformibus. Phocoenoides dalli, unum e celerrimis cetaceis notis, 41 knots? per horam movere potest. Eorum primarium systema sensorium est echolocatio. Nonnullae species ad profunda oceanica descendunt. Eis sub cuti est stratum adipis, plerumque blubber? appellati, ut in aqua frigida calidi maneant.
Phocoenidae non latae distribuuntur, multaeque aquis prope regiones polares, plerumque prope litora, utuntur. Phocoenidae plerumque piscibus et decapodiformibus vescuntur, reliquis odontocetibus multo similes. Mares plerumque cum multis feminis quotannis, sed feminae anno tertio quoque coeunt. Proles vere et aestate nasci solent, quos feminae solae educant. Matres nonnullarum specierum ieiunium diu servant dum partus nutriunt. Nonnullae phocoenidae vocalizationes efficiunt, plerumque crepitus et sibilos, praecipue ad proposita socialia habitos. Nonnullae species, sicut Harborophocoenae, sunt valde sociabiles, sed greges in plurimis speciebus plerumque plus quam decem singulos non habent.
Phocoenidae, cum balaenis et delphinis, sunt proles ungulatorum terrestrialium quae oceanum primum abhinc annorum quinquaginta milliones fere intraverunt. Aevo Miocaeno (abhinc annorum viginti tres ad quinque), mammalia satis hodierna erant, quod significat ea raro physiologice mutatos esse. Cetacea variabant, et indicia fossilia dicunt phocoenidas, delphinidas, platanistidas, iniidas, et pontoriidas ab eorum ultimum antecessorem notum declinavisse abhinc annorum quindecim milliones fere. Veterrima fossilia in tenuibus maribus circum Oceanum Pacificum septentrionalem inventa sunt, et animalia multis post millenniis, aevo Pleistocaeno, ad litora Europaea et hemisphaerium australe migraverunt.[1]
Hybridae inter Phocoenas phocoenas mares et Phocoenoides dalli feminas significant hae species revera animalia eiusdem generis esse.[5]
Vicimedia Communia plura habent quae ad Phocoenidas spectant. |
Vide "Phocoenidas" apud Vicispecies. |
Situs scientifici: • ITIS • NCBI • Biodiversity • Encyclopedia of Life • WoRMS: Marine Species • Fossilworks |