Reizh pe jener | paotr ![]() |
---|---|
Bro ar geodedouriezh | Rouantelezh-Unanet ![]() |
Anv ganedigezh | Brian Wilson Aldiss ![]() |
Anv-bihan | Brian ![]() |
Lesanv | Jael Cracken ![]() |
Deiziad ganedigezh | 18 Eos 1925 ![]() |
Lec'h ganedigezh | Dereham ![]() |
Deiziad ar marv | 19 Eos 2017 ![]() |
Lec'h ar marv | Oxford ![]() |
Yezhoù komzet pe skrivet | saozneg ![]() |
Tachenn labour | kazetennerezh, skiant-faltazi, belletristic literature, lennegezh skiant-faltazi ![]() |
Karg | Booker Prize judge ![]() |
Bet war ar studi e | Framlingham College, West Buckland School ![]() |
Lec'h annez | Dereham ![]() |
Deroù ar prantad labour | 1954 ![]() |
Dibenn ar prantad labour | 2017 ![]() |
Grad milourel | soudard ![]() |
Brezel | Eil Brezel-bed ![]() |
Korf an arme | British Army ![]() |
List of works | Works by Brian Aldiss ![]() |
Oberenn heverk | Non-Stop, Hothouse ![]() |
Ezel eus | Royal Society of Literature ![]() |
Tachenn | skiant-faltazi ![]() |
Levezonet gant | Karel Čapek, Olaf Stapledon, H. G. Wells ![]() |
Lec'hienn ofisiel | http://www.brianaldiss.co.uk/ ![]() |
Brian Wilson Aldiss OBE[1] (East Dereham, Norfolk, 18 a viz Eost 1925 – Oxford, 19 a viz Eost 2017) a oa ur skrivagner, ur barzh, un dramaour, ur skridarnodour, un aozer torkadoù hag ul livour saoz. Brudet-meurbet eo e oberennoù war dachenn ar skiant-faltazi, a embannas dindan an anvioù "Brian W. Aldiss", "Brian Aldiss", hag un nebeud anvioù-pluenn er bloavezhioù 1960.
Dre ma oa bet levezonet-bras gant skridoù Herbert George Wells (1866-1946) e voe beskadoriad an H. G. Wells Society ; kadoriad ar British Science Fiction Association e voe ivez[2], ha kengadoriad ar Birmingham Science Fiction Group (BSFG)[3].
Unan eus skrivagnerien al luskad New Wave science fiction e voe Brian W. Aldiss, a-gevret gant James G. Ballard, Samuel R. Delany, Thomas M. Disch, Ursula K. Le Guin, Joanna Russ, James Tiptree Jr.[4] ha Roger Zelazny[5].
Gantañ e voe skrivet Supertoys Last All Summer Long (1969), a zo diazez ar film A.I. Artificial Intelligence sevenet gant Steven Spielberg (2001).
Torkadoù istorioù skiant-faltazi a voe savet gant B. W. Aldiss ouzhpenn d'e skridoù, evit kinnig an doare lennegezh-se.
D'an 18 a viz Eost 1925 e voe ganet Brian Wilson Aldiss e Derenham, e Kontelezh Norfolk, e Bro-Saoz. Ken abred ha 1928, hag eñ oadet tri bloaz, e stagas da skrivañ istorioù a veze strobet gant e vamm ha klenket war ur stalenn[6].
Pa voe 6 vloaz e voe skoliataet e Farmlingham (Suffolk) kent mont adalek deroù an Eil Brezel-bed e 1939, d'e 14 vloaz, d'ur skol-lojañ eil-derez e West Buckland (Devon)[7]. Eno e reas anaoudegezh gant ar gelaouenn skiant-faltazi stadunanat Astounding Science Fiction, ar pezh e gasas da lenn holl oberennoù H. G. Wells, Robert A. Heinlein ha Philip K. Dick.
E 1943, oadet 18 vloaz, ec'h emezelas er British Army hag e voe kaset da India, Myanmar ha Sumatra gant an unvez Royal Corps of Signals a oa e-karg eus ar pellgehenterezhioù war an tachennoù-emgann[8]. Diwar e bredad el lu e skrivas e romant Hothouse (1962)[9] ha div levrenn eus ar stirad Horatio Stubb : A Soldier Erect (1971) hag A Rude Awakening (1978)[10].
Goude bezañ bet disoudardet e 1947 ec'h eas da levrdiour en Oxford. E-tro ar mare-se e krogas da skrivañ da vat, istorioù fantasy ha skiant-faltazi dreist-holl, hag e-pad tremen 60 vloaz e chomas unan eus skrivagnerien bennañ ar skiant-faltazi er bed a-bezh.
Adalek 1954 e voe embannet istorioù berr skrivet gantañ, ar re gentañ o vezañ A Book in Time e The Bookseller (kelaouenn al levrdiourien) e miz C'hwevrer 1954 ha Criminal Record er gelaouenn Science Fantasy e miz Gouhere 1954 ivez[11]. E 1954 bepred e voe aozet gant ar gazetenn-Sul The Observer e Londrez ur genstrivadeg skrivañ un istor berr a c'hoarvezfe er bloaz 2500 ; en trede lec'h e voe renket Not For An Age Brian Aldiss gant al lennerien, hag embannet e voe en Observer d'an 9 a viz Genver 1955. En hevelep miz e voe embannet Outside er gelaouenn New Worlds, a oa renet gant Michael Moorcock (1939 —) hag e penn al luskad New Wave science fiction.
Meur a istor a skrivas evit The Bookseller, ha diwar e amzer levrdiour e savas e levr kentañ, un deizlevr anvet The Brightfount Diaries (1955) a-zivout buhez un implijad en ul levrdi. Istorioù all sinet gantañ a voe embannet er bloaz-se. E 1956 e voe embannet There is a Tide ha Psyclops e New Worlds[10].
Daoust ma oa bet klouar an degemer da The Brightfount Diaries e c'houlennas an embanner Faber & Faber ouzh Brian Aldiss hag-eñ en devoa skridoù all a vefe mat evit an embann ; laouen-bras e voe Faber pa glevas e oa mennet ar skrivagner da chom war dachenn ar skiant-faltazi, peogwir o devoa arvalien bouezus hag a vourre al lennegezh-se, hag embannet e voe kentañ levr skiant-faltazi Brian W. Aldiss, un dastumad istorioù berr anvet Space, Time and Nathaniel (1957). Kevatal goude-se e voe e gorvoderioù evel skrivagner hag e c'hopr evel levrdiour, neuze e tivizas mont da skrivagner a-vicher.
Er bloaz 1958 e voe dalc'het 17vet kendivizadeg ar World Science Fiction Convention (WSFC, Worldcon) e (California) ; war ar renk kentañ edo Brian W. Aldiss evit bout anvet da wellañ aozer nevez 1958 gant e istor Non stop, hogen kazeg a reas[12] – div wech e voe pedet er Worldcon avat : e 1965 e Londrez hag e 1979 e Brighton[13].
Adalek 1958 betek 1969 e voe skridaozer rann lennegel ar gazetenn Oxford Mail. E 1960 e voe dilennet da gadoriad ar British Science Fiction Association. E 1964, gant e vignon ar skrivagner stadunanat Harry Harrison, ec'h embannas ar gelaouenn Science Fiction Horizons, ar gelaouenn gentañ o plediñ gant ar skridvarnouriezh war dachenn ar skiant-faltazi ; div niverenn hepken a zeuas er gouloù[14].
E 1967, ar skrivagner S-F Algis Budrys (1931-2008) a lakaas Roger Zelazny, J. G. Ballard, Brian Aldiss ha Samuel R. Delany da "ur c'hrendouar a-fet skrivagnerien nevez" pa oant "a-stok ouzh an traoù a zo ken direnk er renkad etre a-vremañ", ar pezh a laka da zisheñvel-bras diouzh an holl remziadoù a zo bet en o raok[15].
A-du gant al luskad nevez e savas Brian Aldiss, dre embann lod eus e istorioù arnodel e New Worlds ha dre glask ur yalc'had evit ar gelaouenn digant an Arts Council of Great Britain e 1967[10].
Berzh bras a reas Penguin Science Fiction, un dastumad istorioù bodet gant ar skrivagner hag embannet e 1961 ; meur a wech e voe adembannet, ha heuliet e voe gant More Penguin Science Fiction (1963) and Yet More Penguin Science Fiction (1964). Bodet e voe an tri zorkad e 1973 dindan an titl The Penguin Science Fiction Omnibus, a voe adembannet meur a wech ivez. Meur a dorkad bras savet gant Brian Aldiss a voe embannet er bloavezhioù 1970 : Space Opera (1974), Space Odysseys (1975), Galactic Empires (1976), Evil Earths (1976) ha Perilous Planets (1978). E 1975 e lakaas embann ul levr mentet-bras, Science Fiction Art (1975), m'en devoa bodet skeudennoù tennet eus kelaouennoù S-F.
Goude klevet a-zivout disoc'hoù ergerzhadenn ar sonterez soviedel Венера-4 / Venera-4 tro-dro d'ar blanedenn Gwener (1967-68)[16], a ziskouezas ez eo yen ha krin ar blanedenn en enep d'ar goadeg trovanel c'hleb a veze deskrivet en istorioù S-F, ec'h embannas B. Aldiss ha H. Harrison e 1968 un torkad anvet Farewell, Fantastic Venus! a vode 5 istor berr, 6 tamm eus istorioù hiroc'h ha 17 arnodskrid, an holl a-zivout Gwener ha sinet gant tremen ugent skrivagner ha skrivagnerez.
Brian W. Aldiss a ijinas evit ar gazetenn The Daily Telegraph un doare istorioù berr-berr a anver mini-saga, dik 50 ger enno dindan un talbenn 15 lizherenn ennañ ; aozet e voe ur genstrivadeg mini-saga gant ar gazetenn, gant B. Aldiss da varner, a zo bet dalc'het e-pad meur a vloaz[17] Meur a dorkad mini-saga a-douez ar re wellañ zo bet embannet gantañ[18].
E deroù ar bloavezhioù 1960 e veajas ar skrivagner da Yougoslavia, ma kejas ouzh e lennerien e Ljubljana (a zo kêr-benn Slovenia hiziv) ; goude-se ez embannas ul levr-beaj anvet Cities and Stones (1966), a zo e oberenn nemeti war an dachenn-se. Daou vloaz diwezhatoc'h ec'h embannas The Day of the Doomed King (1968) diwar-benn rouaned Serbia er Grennamzer, hag e 1976 e voe ur romant fantasy damistorel, The Malacia Tapestry, a c'hoarvez en ur vro a c'hellfe bezañ un Dalmatia all[19].
En deiz war-lerc'h e 92vet deiz-ha-bloaz, d'an 19 a viz Eost 2017, e varvas Brian Wilson Aldiss en Oxford[20]
Ul livour e oa Brian W. Aldiss ivez. En Oxford e 2010 e voe dalc'het e ziskouezadeg kentañ war e anv hepken, anvet The Other Hemisphere ("An Hantervoul All"), savet tro-dro d'e bennoberenn Metropolis.
♦ Skrivagnerien ha ♣ Skrivagnerezed |
♦ Robert Abernathy ♦ Forrest J Ackerman ♦ George S. Albee ♦ Brian W. Aldiss ♦ Steve Allen ♣ Karen Anderson ♦ Poul Anderson ♦ Jean-Pierre Andrevon ♦ Georges-Jean Arnaud ♦ Isaac Asimov ♦ Mathieu Bablet ♦ James G. Ballard ♦ Iain Banks ♣ Elia Barceló ♦ René Barjavel ♦ Charles Beaumont ♦ Greg Bear ♦ Stephen V. Benét ♦ Gregory Benford ♦ Cyrano de Bergerac ♦ Alfred Bester ♦ Jerome Bixby ♦ Algernon Blackwood ♦ James Blish ♦ Robert Bloch ♦ Damien Broderick ♦ Pierre Bordage ♦ Pierre Boulle ♦ Anthony Boucher ♦ Ray Bradbury ♦ Bill Brown ♦ Fredric Brown ♦ John Brunner ♦ Serge Brussolo ♣ Doris P. Buck ♦ Algis Budrys ♦ Anthony Burgess ♦ Ernest Callenbach ♦ A. Bertram Chandler ♣ Elizabeth Chater ♣ Daína Chaviano ♦ John Christopher ♦ John Anthony Ciardi ♦ Arthur C. Clarke ♦ Robert M. Coates ♦ Theodore R. Cogswell ♦ Michael G. Coney ♦ Alfred Coppel ♦ Michael Crichton ♦ Philippe Curval ♦ Alain Damasio ♦ Jack Dann ♦ Basil Davenport ♣ Françoise d'Eaubonne ♦ Jan De Fast ♦ Lester Del Rey ♦ Samuel R. Delany ♦ Michel Demuth ♦ Philip K. Dick ♦ Thomas M. Disch ♦ Graham Door ♦ Dave Dryfoos ♣ Catherine Dufour ♦ David Duncan ♦ Harlan Ellison ♦ E. C. Eliott ♦ Michael Ende ♦ Walter Ernsting ♦ Philip José Farmer ♦ Konrad Fiałkowski ♦ Jack Finney ♦ Charles L. Fontenay ♦ Alan Dean Foster ♦ Horace B. Fyfe ♦ Daniel F. Galouye ♦ Raymond Z. Gallun ♣ Angélica Gorodischer ♦ Christian Grenier ♣ Ann W. Griffith ♦ Michel Grimaud ♦ James E. Gunn ♦ Edmond Hamilton ♦ Charles Harness ♦ Harry Harrison ♦ M. John Harrison ♦ Robert A. Heinlein ♦ Frank Herbert ♦ Richard Hill ♦ Robert Ervin Howard ♦ Lafayette R. Hubbard ♦ Jean-Pierre Hubert ♣ Edna M. Hull ♦ Aldous Huxley ♦ Michel Jeury ♦ Norman Kagan ♦ Gerald Kersh ♦ Daniel Keyes ♦ Stephen King ♦ Gérard Klein ♦ Damon Knight ♦ Cyril M. Kornbluth ♦ Walter Kubilius ♦ Henry Kuttner ♦ R. A. Lafferty ♦ Kurd Lasswitz ♦ Jean Le Clerc de la Herverie ♣ Ursula K. Le Guin ♦ Fritz Leiber, Jr. ♦ Murray Leinster ♦ Stanislaw Lem ♣ Doris Lessing ♦ Jean-Marc Ligny ♦ Cixin Liu ♦ Brian Lumley ♣ Katherine MacLean ♦ Ken MacLeod ♦ Donald Malcolm ♦ Phillip Mann ♦ Richard Matheson ♣ Anne McCaffrey ♦ Jack McDevitt ♦ J. T. McIntosh ♣ Vonda Neel McIntyre ♣ Judith Merrill ♦ Abraham Merritt ♦ Lion Miller ♦ Ron Miller ♦ Walter M. Miller, Jr. ♣ Catherine L. Moore ♦ Ward Moore ♦ G. A. Morris ♦ Alan Nelson ♦ Homer Nearing ♦ J. B. Morton ♦ Alan E. Nourse ♦ Andrew J. Offutt ♦ Chad Oliver ♦ George Orwell ♦ Pierre Pelot ♦ Peter Phillips ♦ Daniel Piret ♦ Frederik Pohl ♦ Arthur Porges ♦ Terry Pratchett ♦ Tom Purdom ♦ Maurice Renard ♦ Mack Reynolds ♦ Kim Stanley Robinson ♦ Keith Roberts ♣ Joanna Russ ♦ Eric F. Russell ♦ Emilio Salgari ♣ Pamela Sargent ♦ Robert Sheckley ♦ Karl-Herbert Scheer ♦ Steven Schrader ♣ Idris Seabright ♦ Arthur Sellings] ♣ Mary Shelley ♦ Larry Siegel ♦ Robert Silverberg ♦ Clifford D. Simak ♦ Bernard Simonay ♦ Dan Simmons ♦ Curt Siodmak ♦ Clark Ashton Smith ♦ Cordwainer Smith ♣ Evelyn E. Smith ♦ Jerry Sohl ♦ Norman Spinrad ♦ L. Sprague de Camp ♣ Margaret St. Clair ♦ Bruce Sterling ♦ Theodore Sturgeon ♦ William F. Temple ♦ William Tenn ♣ Sheri S. Tepper ♣ James Tiptree, Jr. ♦ A. E. van Vogt ♦ Jack Vance ♦ John Varley ♦ Jules Verne ♦ Vernor Vinge ♦ Vladimir Volkoff ♦ Kurt Vonnegut, Jr. ♦ Daniel Walther ♦ Ian Watson ♦ Stanley G. Weinbaum ♦ Andrew Weiner ♦ H.G. Wells ♦ Bernard Werber ♦ John A. West ♦ Robert M. Williams ♦ Jack Williamson ♦ Richard Wilson ♦ Robert Charles Wilson ♦ David Wingrove ♦ Gene Wolf ♦ Stefan Wul ♦ John Wyndham ♦ Robert F. Young ♦ George Zebrowski ♦ Roger Zelazny ♣ Marion Zimmer Bradley |
Kelaouennoù brudet |
Amazing Stories ♦ Astounding Science Fiction ♦ Astounding Stories ♦ Famous Fantastic Mysteries ♦ Fantastic Adventures ♦ Galaxy ♦ 'Planet Stories ♦ Startling Stories ♦ The Magazine of Fantasy and Science Fiction ♦ Thrilling Wonder Stories ♦ Two Complete Science-Adventure Books ♦ Unknown ♦ Weird Tales ♦ Wonder Stories |
En-dro d'an SF |
Dodennoù an SF ♦ An SF er bannoù-treset ♦ An SF er sinema ♦ Steampunk |